
6 mengê peyîn de 20 kolberî ameyî qetilkerdiş  

2022-07-01 14:11:57


	&nbsp;

	MERKEZÊ XEBERAN - Kolbernewsî bîlançoyê merdişê kolberan neql kerd ke mabêne 6 mengê peyîn de, Rojhelatê Kurdistanî de 20 kolberî ameyê &nbsp;qetilkerdiş, 127 kolberî zî birîndar bîyê.

	&nbsp;

	Kolbernewsî serê keyepelê xo de bîlançoyê 6 mengî yê destpêkê serra 2022yî weşan kerd. Goreyê bîlançoyî, mintiqayê sînorî û rayîrê mabêne bajaranê Rojhelatê Kurdistanî de seba gulevaranê hêzê Îranî, sewbîna bi sebebê sey mendişê binê vewrês û qefilnayîşê serdî, teqîyayîşê mayîn û kewtişê cayê berzan ra 20 kolberan dinyaya xo bedilnayê, 127 kolberî zî birîndar bîyê.

	&nbsp;

	Goreyê detayê bîlançoyî 147 kolberan bi pêroyî 20 kolberan dinyaya xo bedilnayê înan ra;&nbsp;

	&nbsp;

	* 7 kolberî seba gulevaranê hêzê Îranî ra

	&nbsp;

	* Kolberêk seba kewtişî berzî ra

	&nbsp;

	*4 kolberî seba qefilyayîşê serdî ra&nbsp;

	&nbsp;

	* Kolberêk seba xeniqîyayîşê çirrî de

	&nbsp;

	* 4 kolberî seba krîzê qelbî

	&nbsp;

	* 3 kolberî zî seba qezaya trafîkî dinyaya xo bedilnayê.

	&nbsp;

	Rewşa 127 kolberê ke birîndar zî wina ameya dîyarkerdiş;

	&nbsp;

	*90 kolberî seba gulevaranê hêzê Îranî

	&nbsp;

	*10 kolberî seba kewtişê berzî

	&nbsp;

	* 6 kolberî seba teqîyayîşê mayînî yê demê şerê Îran û Iraqî mendê

	&nbsp;

	* 10 kolberî seba îşkence û şîdetê hêzê sînorê yê Îranî

	&nbsp;

	* 11 kolberî zî seba qezaya trafîkî birîndar bîyê.

	&nbsp;

	Karê kolberî ke netîceyê polîtîkayê xususî yê vêşanverdayîşê şarî yê hetê Îranî, çinbîyayîşê îmkanê kar û vaybîyayîşê cuya rojane ya şarî bîyo sebeb ke şarê Rojhelatê Kurdistanî mecbûr verê xo bidê kolberî ke serran o sere de seba gulevaranê hêzê Îranî, seba sebebê cîya bi seyan kesî dinyaya xo bedilnenê yan zî birîndar benê.

	&nbsp;