Êlih de cinîyêke ameye birîndarkerdiş û Mûş de zî cinîyêke bi guman ameye kiştiş  

2022-06-29 14:14:26


	 

	ÊLIH / MÛŞ - Êlih de cinîyêke bi çek ameye birîndarkerdiş. Cinîya birîndare berdî nêweşxane. Ame diyarkerdiş ke tehlukeyê aye yê cuye dewam keno. Mûş de zî cinîyêke bi guleyê çekî bi hawayêke guman dinyaya xo bedilnaye.

	 

	Taxa Pazaryerî ya Êlihî de camêrdo ke nameyê ci nêame zanayîş, bi çek cinîyêke birîndar kerd. Camêrdo ke cinî bi giranî birîndar kerd hewl da xo zî bikişo.

	 

	Serê xeberdarîya kesê ke derûdorî de yê, ekîba weşîye ameye cayê serebûtî. Mudaxeleyê ame kerdene de cinî û camêrd pîya berdî nêweşxane. Ame dîyarkerdiş ke tehlukeyê herdiyan ê cuye zî dewam keno.

	 

	Derheqê serebûtî de cipersayîş ame destpêkerdiş.

	 

	Mûş de cinîyêke bi hawayêke guman ameye kiştiş

	 

	Dewa Azaxpurî ya Korkuta ya Mûşî de zî ame dîyarkerdiş ke cinîya 35 serrî Velat Karbalik bi hawayêke bi gûman bi guleyê çekî dinyaya xo bedilnaye. Dimayê ke xebere dayî merdimanê ci ekîba weşîye û polîsî şî cayê serebûtî. Ekîba weşîye dîyar kerd ke Velat Karabalik dinyaya xo bedilnaye û cenazeya aye seba otopsî wedaritî morgê nêweşxaneyê qeza.

	 

	Dimayê ke Velate dinyaya xo bedilnaye, camêrdo ke aye dir zewicnayebi û merdimêkê ci serê gûmanî de ameyî destbendkerdiş.

	 

	Ame dîyarkerdiş ke Velate camêrdo ke aye dir zewicnayebi şîdet vînayîne û derheqê serebûtî de cipersayîş ame destpêkerdiş.