
Hedla Aksu bi hesretê lajê xo dinyaya xo bedilnaye  

2022-06-26 15:20:34


	&nbsp;

	ÎZMÎR - Hedla Aksu ke waştişê aye peyîn vînayîşê lajê ci bi, nêweşxaneyê ke ci de ameyîne dermankerdiş, serê sibayî bi hesretê lajê xo dinyaya xo bedilnaye.

	&nbsp;

	Dadîya Abdulkadîr Aksu ke Zîndanê Kiriklarî de yo Hedla Aksu (84), seba nêweşîya qelb û tansîyonî 20ê Hezîrane de wedarnayî Nêweşxaneyê Torbali û serê sibayî eynî nêweşxane de dinyaya xo bedilnaye.

	&nbsp;

	Rapor nêdayî

	&nbsp;

	Waştişê Hedla yê peyîn o bi ke lajê xo yê tepişte bivîna. Seba nê waştişê ci zî gerek nêweşxane raporê rewşa weşîya ci ê krîtîkî bidayîne. Eke nêweşxaneyî rapor bidayîne û îdarekarê zîndanê zî tesdîq bikerdêne, do lajê Hedla, Abdulkadîr Aksû bieşkayîne biameyîne nêweşxane dadîya xo reya peyîn bidîne. La Hedla seba ke nêweşxaneyê raporî nêda hema ke lajê xo bivîna, serê sibayî dinyaya xo bedilnaye.

	&nbsp;

	Seba tewrê şînî bibo pere ci ra waştî

	&nbsp;

	Keyeyo ke seba Abdulkadîr bêro tewrê merasîmê cenazeya dadîya xo bibo, telefonê zîndanî kerd ame dîyarkerdiş ke îdarekarîyê zîndanî înan ra vato, "Seba tewrê merasîmê definkerdişî bibo ganî 3 hezar û 500 TL bido." Keyeyî dîyar kerd ke dimayê o pereyo ke yeno waştiş bidê, do Abdulkadîr Aksu bieşko tewrê şînê dadîya xo bibo.

	&nbsp;