
Wendekarê Ma Muzîkî performansê xo yê serre mojnayî 

2022-06-25 15:05:47


	&nbsp;

	&nbsp;

	AMED - Wendekarê tutê Ma Muzîkî perwerdeyê xo yê serre bi konserê “Dîwanê tutan” temam kerdî. Temaşekeran bi keyfweşî tutan goşdarî kerd.

	&nbsp;

	Akademîya Tutan ê Ma Muzîkî performansê xo yê serre bi konserêk vejîyayî vernîya temaşekeran. Tutê muzîkjenî ke xeylêk beşê muzîkî de perwerdeyê profesyonel girewtî, vejîyayî vernîya muzîkheskerdeyan û konserêk weşik û bi kelecan organîze kerdî. Tutan konserê xo yê bi nameyê, “Dîwanê tutan” awanîya Ma Muzîkî de kerdî.

	&nbsp;

	Xeylêk tutî û keyeyê xo tewrê şayî bî. Tutê ke emrê înan 7-15 serrî de vuryeno, bi enstrûmanê sey keman, piyano, tembûr, bilûre hunerê xo mojnayî. Tutan sewîyeyêka berz de performansê xo mojnayî ra û hem temaşekerdoxanê xo keyfweş kerdî û hem zî bi eleqeyêk pîl dir rî bi rî mendî.

	&nbsp;

	Tutî û mamosteyê xo bi deyîra “Kurdistan çi weş o” şayîya xo peynî kerdî.

	&nbsp;