
CSDHI: Tutê ke binê 15 serrî de yê 1500 tutî ardê dinya 

2022-06-25 14:30:24


	&nbsp;

	&nbsp;

	MERKEZÊ XEBERAN - Goreyê raporê CSDHIî Îranî bi seyan tutî binê 15 serrî de hezar û 500 tutî ardê dinya.

	&nbsp;

	Goreyê Komîteyê Paştdayîşê Heqê Merdiman ê Îranî (CSDHI), Îran de serrêke de tutê ke emrê înan mabêne 10 heta 14 serrî, hezar û 500 tutî ardê dinya.

	&nbsp;

	CSDHI, derheqê babete de ercnayîş kerd: “Rejîmê Îranî de zewacê tutê ke yenê teşwîqkerdiş û netîce de hûmara tutê ke benê dadî zêde bena.”

	&nbsp;

	Goreyê dayeyê ke hetê CSDHI ra ameyê komkerdiş, &nbsp;Sazgehê Tomarkerdişê Nifûsê Mîyaneteweyî yê Îranî neql kerd ke tutî mabêne 10 û 19 serrî de, serre de 70 hezar pitikan anê dinya. Nînan ra hezar û 474 tutî 15 serrî ra qijî rê bîyê. Komîte dîyar kerd ke no emr bi taybetî seba diganeyî tehluke yo.

	&nbsp;

	Goreyê &nbsp;CSDHIyî ke eşkera keno verîcû dadîbîyayîşî bi zewajê rew ra girêdayeyê û malûmat da ke dayeyê zawajê di mabênê 10 û 14 serrî de goreyê serra 2021î, se ra 32 zêde bîyê.&nbsp;

	&nbsp;

	Komîteyî eşkera kerd ke, na humare rastîyêke xemgîn mojnena ra û vat: "Zewajê tutan yew fînakî ra tewr eşkera yê ke tehdaya serê cinî de ya."

	&nbsp;

	Goreyê CSDHIyî, yew semedê zêdebîyayîşê welidnayîşê tutan ra malûmato ke Serekê Meclîsê Îranî Mihemed Xalîbat, di Teşrîna Peyîne ya 2021î de ya. Mihemed Xalîbat, di planê zêdekerdişê nufûsî yê ke serra 2013î de amebî pêşnîyazkerdiş, bi tesdîqkerdişî amebi beyanatkerdiş.&nbsp;

	&nbsp;

	Pisporê Heqê Merdiman ê Neteweyê Yewbîyaye (NY) no plan seke 'Duştê huqûqî yê mîyanneteweyî de' erjna.

	&nbsp;