Bi destbendkerdiş û tepiştişan polîtîkayê weşanî yê Jinnewsî cigêrayîş kerdî 

2022-06-21 13:02:02


	 

	Şehrîban Aslan

	 

	AMED - Rojê vîyarte de midûra xeberan ya ajansê ma Safîye Algaş zî ci de 16 rojnamegerî ameyî tepiştiş. Avûkatê dosya Resul Temur vat: “Jinnews ke roja dest bi weşan kerdo binê xeylêk sernameyan de îmza eşto bi hezaran xeberan. La mîyanê înan 20 yan zî 30 xeberî weçînayê û bi îdiayê sey, ‘şima her tim nê xeberan viraznenê' Safîye Alagaş û polîtîkayê weşanî ya Jinnewsî cipersayîş kerdê."

	 

	Çarçewaya cipersayîşê ke hetê Serdozgerîya Komara ya Amedî ra amebi derstpêkerdiş de polîsan 8ê hezîrane de 20 ci ra rojnamegerî 22 kesî destbend kerdî û 8 rojan destbendkerde mendî. 15ê Hezîrane de vetî dadgehe û 16 kesî bi îdiayê endamîya rêxistine û propagandayê rêxistine kerdê, ameyî tepiştiş. Serdar Altan, Mehmet Alî Ertaş, Safiye Alagaş, Azîz Oruç, Omer Çelîk, Suat Doguhan, Ramazan Gecîken, Neşe Toprak, Zeynel Abîdîn Bûlût, Mazlum Dogan Guler, Mehmet Şahîn, Elîf Ungur, Îbrahîm Koyuncu, Remziye Temel, Abdûrrahman Oncu û Lezgîn Akdenîz bi îdiayê ‘endamîya rêxistine’ ameyî tepiştiş.

	 

	Avûkat Resul Temur dîyar kerd ke rojnamegerî tena seba falîyetê rojnamegerîye ameyê tepiştiş û derheqê prosesî de zanayîş da.

	 

	iyê hatine girtin û der barê pêvajoyê de agahî da.

	 

	'Xebere kerdî bahaneyê tepiştişî'

	 

	Resulî dîyar kerd ke dimayê 8 rojê destbendkerdişî dima rojnamegeran vetê edlîye û vat: "Xeberê ke ameyê viraştiş, ziwanê ke xebitnayê, ajansê ke ci de xebityenê, TV û polîtîkayê weşanî ameyê cipersayîş. Ê kesan ra yewe zî midûra xeberan ê Jinnewsî Safîye Algaş bî. Safîye şexsê Jinnewsî de ameya tepiştiş. Operasyonê hemverê Safîye esasê ci hemverê Jinnewsî yo. Heme metaryalê ke falîyetê rojnamegerî de ameyê xebitnayîşî zî ameyê desteserkerdiş û no zî parçeyêk operasyonî bi. Persê ke ameyê perskerdiş zî xeberêke ameyê viraştişî bî. Jinnews ke roja dest bi weşan kerdo, binê xeylêk sernameyan de îmza eşto bi hezaran xeberan. La mîyanê înan de 20 yan zî 30 xeberan weçînayê û bi îdiayê sey, ‘şima her wext nê xeberan viraznenê' Safîye Alagaş û polîtîkayê weşanî yê Jinnewsî cipersayîş kerdê."

	 

	'Persê ke ameyê perskerdiş sebebê tepiştişî nîyê'

	 

	Resulî vat, Pêwa Safîye, rojnamegerê bîn yê ameyê tepiştiş zî seba faliyetê rojnamegerî ameyê tepiştiş û vat: "Mîyanê nê falîyetan de sernameyê xeberan, babetê ke ameyê weçînayîş, wareyê ke ci de xebityayê ameyê perskerdiş. Sey Safîye rojnamegerê bînî zî hîn sernameyan de hedef ameyê girewtiş û cipersayîş ameyo perskerdiş. La yeno zanayîş ke Safîye zî û rojnamegerê bînî zî xeylêk babetan de babetê rojane ercnayê, munaqeşe kerdî û nuştê. Serê persê ke emnîyetî û dozgerî pers kerdê, ma biercnê tu rojnamegerêk ganî nêro cipersayîş. Xeberê ke ameyê viraştiş û persê ke ameyê perskerdiş eşkeno selahîyetdarê dewlete, merciyê cipersayîşî û polîsan nêrehet bikero. La no nêrehetbîyayîşê înan heqê ke vernîya xeberan bigiro nêdano înan."

	 

	Resulî tewr peyîn qiseykerdişê xo de dîyar kerd ke derheqê rojnamegerê ameyê tepiştiş de do îtîrazê xo bikerê.