
Keyeyê Şenyaşarî ra seba Roja Babîyan mesaj 

2022-06-19 14:52:12


	&nbsp;

	RIHA - Keyeyê Şenyaşarî ke tekoşînê xo yê edaletî dewam keno, bale ant serê Roja Babîyan û nê mesajî pare kerd: “Hecî Esvet zî babîyêk bi. Tewr peyîn seba ke tutanê xo bivîno şi nêweşxane û reyke bîn anêgêra.”

	&nbsp;

	14ê hezîrana 2018ine de hetê merdim û pawitoxê Parlamenterê AKPyî yê Rihayî Îbrahîm Halîl Yildiz ra mêrde û di lajê Emîne Şenyaşar ameyî kiştiş. Vera nê nêheqî Emîne û lajê xo Ferît Şenyaşar 9ê Adara 2021 &nbsp;de Nobeta Edaletî dabî destpêkerdiş, roja 468ine de dewam kena. Seba peynîya hewteyî keye nobeta xo ya qezaya Pirsûsî de dewam kena û serê hesabê xo yê medyaya dîjîtalî de pare kerd.

	&nbsp;

	Keyeyî bi minasebetê Roja Babîyan serê hesabê xo yê medyaya dîjîtalî de bi fotografê Hecî Esvet Şenyaşarî nê mesajî pare kerd: “Hecî Esvet zî babî bi. Tewr peyîn seba tutanê xo bivîno şi nêweşxane û reyke bîn anêgêra. Cayê gorê ey zî bi babeta cipersayîşî la kesê persê ke kamî kişt o, pers nêkerd. &nbsp;Roja heme babîyê ke bêsûc zîndan de yê û rojê zor û zehmet de wayîrê tutanê xo vejîyayî pîroz bo. #RojaBabîyanPîrozBo(#BabalarGünüKutluOlsun)

	&nbsp;