Mamosteyo ke hêrişê cinsî kerd tayînê mektebêkê bîn ame kerdene

2022-06-19 14:18:41


	 

	ŞIRNEX - Mektebê Sereyîn de mamoste Omer Kaçak ke ame îdakerdiş wendekarêka tute rê hêrişê cinsî kerdo, vejîya werte ke tayînê mektebêkê bîn ameyo kerdiş.

	 

	Qezaya Qilebanî yê Şirnexî de Mektebêkê sereyîn de amebi îdakerdiş ke mamoste Omer Kaçak  wendekara tute rê çend rey hêrişê cinsî kerdo. Serebût, di 21ê Adare de dimayê ke tute îdarekara mektebî rê neql kerda, vejîyayo werte û derheqê mamoste Omer Kaçak de cipersayîşê îdarî nêamebi destpêkerdiş, tena yê edlî amebi destpêkerdiş.  

	 

	Sewbîna tuta 16 serrî îfadeyê xo de zî dîyar kerd ke xeylêk rey hetê Omer Kaçak ra rastê hêrişî ameya. La hêrişkar Omer Kaçak îfadeyê xo de tute zûreker vetibi, îdayê derheqê xo de red kerdibi. Goreyê xebera ke herême ra ameyî girewtiş, ame îdîakerdiş ke Omer Kaçak verê zî xeylêk tutan rê hêrişê cinsî kerdo.

	 

	Mektebêkê bîn de serê wezîfe de yo!

	 

	Derheqê Omer Kaçak de serê gerreyê tute de cipersayîşê edlî amebi destpêkerdiş, la ame îdakerdiş ke seba tedayan gerreyê ke ameyo kerdiş zî peyser ameyo antiş û 1ê Nîsane de cipersayîş bi bêtaqîbkerdişî netîce bi. Omer Kaçak ke derheqê ci de tu cipersayîşê îdarî nêame destpêkerdiş zî vejîya werte ke tayînê mektebêkê bîn ê Qilebanî ameyo kerdiş.