Dewaya qetlîamî yê keyeyê Îzolî de qerarê tepiştişî ame dayene 

2022-06-09 14:50:24


	 

	 

	RIHA - 11in roniştişê dewaya qetilîamê serê keyeyê Îzolî de, derheqê Serhat Ferman Îzol û Mehmet Metîn Îzol yê ke amebî tehliyekerdiş de reyke bîn qerarê tepiştişî ame dayene.

	 

	Dewa Çeltika Siwêregê Rihayî de 15ê hezîrana 2019ine de mabêne keyeyan de şerê “nêpêkerdişê erdan” vejîyabi. Keyeyê Parlamenterê AKPyî yê verê Zulfîkar Îzol, hêrişê serê keyeyê Serdar Îzolî kerdibi. Netîceyê hêrişî de keyeyê mexdûr Meral Îzol û lajê xo Mûsa Serhat Îzol, Hakki Îzol û Zozan Îzol amebî kiştiş. 1ê hezîrane de roniştişê 11in ê dewa Dadgeha Cezaya Giran ya Aksarayî 2yîn de amebi vînayîş. Derheqê versuc Serhat Ferman Îzol û Mehmet Metîn Îzol de qerarê veradayîşî amebi dayîş. Dozgerî îtirazê qerarî kerd û newe ra qerarê tepiştişê Serhat Ferman Îzol û Mehmet Metîn Îzolî ame dayîş.

	 

	Mehmet Metîn Îzol serebût de dayîka ci Meral û birayê ci Mûsa Serhat Îzol ame qetilkerdiş û no zî birîndar xelas bibi, vizêr dewa Çeltikî de ame destbendkerdiş. Îzol hetê Dadgeha Rihayî ra ame tepiştiş û şawitî Zîndanê Siwêregî. 

	 

	Ame zanayîş ke Serhat Ferman Îzol derheqê ci de newe ra qerarê tepiştişî ame dayîş, nêameyo tepiştiş û qerarê tepiştişê ci dewam keno. Ame îdiakerdiş ke vernîya qerarê tepiştişî xeber dayê Serhat Ferman Îzol û xo nimito. 

	 

	Roniştiş 12in ê dewa taloqê 5ê temmuze ame kerdiş û do Dadgeha Aksarayî de bêro vînayîş.