Tarîxê Kurdan bi eseranê xo bena ameyox 

2022-06-08 14:30:17


	 

	Derya Ren 

	 

	AMED - Resame Rûken Ekîncî bi serekîya 'Rengê Ciwîyayîşî Hewênenê' ke Amed û Êlih de sergî akerd, resîmê merdimê namedaran ê tarîxê Kurdan xêz kena û tarîxî bena ameyoxî. 

	 

	Resame Rûken Ekîncî bi serekîya 'Rengê Ciwîyayîşî Hewênenê' sergî akerd û aye zî para xo krîzê ekonomî ra girewt. Rûkene pêwa hacetê programî; bi karbonat, qehwe û qaşikê lîmonan û porteqalan  eseranê xo virazena û tarîxê Kurdan vejena werte.  Rûkene nuştoxo Kurd Mûsa Anter, Dadîyê Aştî, Tahîr Elçî û merdimê muhîmî yê têkoşîna azadîya Kurdî de yê zî di tabloyê xo de nexş kerdê. Serekîya aye sazgeyê fermî de bê behane ameyî manîkerdiş. 

	 

	Rûkene da zanayene ke ÎHA û ajansê bînî zî ci ra roportaj girewtê, la bi zanebîyayîş di binê nameyê 'Rûkîye Ekîncî' de bikarardê, pêwa vato nameyê mi rast bikerê zî di netîceyê bêtehemûlîya hemverê Kurdkî de nameyê aye yo ke 'Rûken' rast nêkerdê. 

	 

	'Mi bê îmkanî ra îmkan wareard' 

	 

	Rûkene beyanat kerd ke tutîyîya xo ra  eleqeyê ci bi resîmî bîbîyo û wina vat: "Coka cinî komele ra dûrî fînenê. Pêwa nê wexto merdim Kurd bo rewşê ke cîya vejêno werte. La bêçare menda ez  ê wextî dest ci ra veradî. Fînak, merdimî yenê hedefgirewtiş. Coka nê bêçare menda wextêke derg taloq bikera. 7 serrî verî ez kewta cigêrayîşî. Seba xeyalê xo, mi bê îmkanî ra îmkanî wareardî. Mi vat ganî ez nasname, tarîx, erj û têkoşîna xo xêz bikera. Mi dest pê kerd, tu çîyêke destê mi de çinîbî. Mi xebatê xo bi qeleme kerdêne, la no qîm nêkerd." 

	 

	'Mi merdimê namedarê tarîxê Kurdan girewtî dest' 

	 

	Rûkene dîyar kerd ke coka hacetê aye çinîbîyê kulîna xo ra alternatîf wareardo û wina qal kerd: "Mi di eserê ewilî de karbonat xebetna. Dima ra mi qaşikê lîmonan û porteqalan ra û wela cixara ra tablo viraşt. Dima ra mi qehwe ra tablo viraşt. Mi resîmê cinîyê ke di tarîx de ameyê çinîkerdiş xêz kerdî. Dima ra mi portreyê namedarê tarîxê Kurdan viraştî. Yew nînan ra portreyê Mûsa Anterî bî. Mi portreyê ey bi telveyê qehweyî boyax kerd." 

	 

	'Mi waşt ez serekîya Kurdî ya nêmerde bikera' 

	 

	Rûkene eşkera kerd ke serekîya 'Rengê Ciwîyayîşî Hewênenê' ya 2 reyî Êlih de sergî akerdo û waşto di sazgeyê fermî de zî serekîye bidomno la îderakerdoxan destûr nêdayo û wina domna: "Xebatê mi serê Kurdbîyayîşî de bî. Coka nê destûr nêame dayîş. Mi zî bi îmkanê xo serekîya xo kerd. Tewr peynî mi serekîya 'Rengê Ciwîyayîşî Hewênenê' Amedî de bi Turkan Elçî dir akerd. Ciwîya Şarê Kurdî tarîxê min o zî, coka nê mi ciwîya xo zî xêz kerd. Mi waşt ez serekîya Kurdî ya nêmerde bikera." 

	 

	'Hêrişêke verê nasnameyê mi de yo' 

	 

	Rûkene di dewamîyî de wina erjna: "Xeylêk weşanê çapemenîyî waştî xebera mi virazê. Pêwa ajansê mintiqa ajansê mintiqaya Tirkîya de zî fealîyet kenê ameyî. ÎHA û çend ajansê bînî ameyî, roportaj kerdî. Roportajê mi bi vîdeoyî bî. La wexto xebere weşêna 'Rûken Ekîncî' ney, sey 'Rûkîye Ekîncî' dayî. No hêrişêke hemverê nasnameyê mi de yo. Çi beno wa bibo ez wazena bi nasnameyê xo bêrî naskerdiş. Coka nameyê mi bi Kurdkî bî çîyêke winayîn kerdî. Pêwa mi waşt nameyê mi rast bikerê zî, la rast nêkerdî." 

	 

	'Butçe serî rê şino' 

	 

	Rûkene di peynîyê qiseyanê xo de dîyar kerd ke, hukmat butçeyo ke şerî rê aqitneno ganî hunerî rê biaqitno û wina peynî ro ci ard : "Heme butçe şino şerî rê no rast nîyo. Ganî aştî bêro ca. Mi Dadîyê Aştî zî di tabloyê xo de xêz kerdê."