Panos de tuto ke kewt gola awbendî fetisîya 

2022-06-06 11:23:18


	 

	AGIRÎ - Gola Awbendê Panosî de cenazeya tuto bi nameyê Mustafa Ozer (14) ame vînayene.

	 

	Qezaya Panosî ya Agirî de tuto bi nameyê Mustafa Ozer (14) ke kewt gola Awbendê Panosî fetisya. Kesê ke derûdor de bî diyar kerdî ke Mustafa dimayê ke kewto gole, demêk xo ver dayo û dima ra zî gole de vinî bîyo. Dimayê ke kesê derûdorî xebere dayê wezîfedaran, ekîbî ameyê cayê serebûtî.

	 

	Ekîbê ke ameyê cayê serebûtî, cenazeya Mustafa gole ra vetî. Cenze seba otopsî berdî Morgê Nêweşxaneyê Panosî.

	 

	Derheqê serebûtî de Serdozgerîya Komare ya Panosî cipersayîş da destpêkerdiş.