Cinî do kuçeyan de cewabê Serekkomarê AKPyî bidê 

2022-06-06 09:09:46


	 

	STENBOL - Cinîyan eşkera kerdî ke heqaret û nengê cînsîyetperestî yê Serekkomarê AKPyî Tayyip Erdoganî hemverê cinîyan de xebetnayê ya yewin nîyê û vatî do cinîyî kuçeyan de cewabê ey bidê. 

	 

	Serebûtê Gezîyî di 27ê Gulane ya serra 2013î de dest pêkerdî û xeylêk cayê welatî de vila bîyî. Bi amancê hetkarî bidê xoverdayîşî, di mîyan de Mucela Yapici, Çigdem Toker û Osman Kavala zî estê, 16 merdimî rê ceza amî birnayîş. Bi hezaran merdimî duştê cezayî de, vejîyayî kuçeyan reyna bîyî hedefê AKPyî. Serekkomarê AKPyî di rojanê vîyarteyî de cinîyê tewirê protestoyan bîyê mojna ra û heqaret o 'Surtuk(Pîse ya kuçan)' ro cinîyan kerd. Partîyê sîyasî derheqê Erdoganî de muracatê sûcî kerdî. Reaksîyonê cinîyan zî dewam kenê û xeylêk partîyê sîyasî muracatê sûcî kerdî. 

	 

	'Na ya ewile nîya' 

	 

	

	Xelesnayîşê Cinîyan ra Yeşîm Tukel eşkera kerd ke AKP rojo bîyo îqtîdar ra heta nika merdimê ke duştê înanê, pelçiqneno û wina beyanat da: "Tevrê ey yê duştê cinî de, di Xoverdayîşê Gezîyî de têkoşîn kerdê wayîr ro ciwîya xo vejîyayê û qerarê ameyoxê xo îqtîdarî rê nêverdayê û wina qal kerd: "Cinîyê di nê xoverdayîşî de yê tena seba xo nê, seba heme cinîyan têkoşîn kerdê. Cinîyê tewirê nê xoverdayîşî bîyê ewro hema zî di têkoşîn de yê. Seba cinîyî ciwîya xo bedilnayê, hepskerdişê keyeyî red kerdê û vejîyayî kuçeyan nefretê Erdoganî zêde bîyî. Coka Erdogan cinîya ke sere tewênena, keyeyî ra nêvejêna wazeno. La êdî cinîyî di organîzeyê cinîyan de ca gênê, her çîyî red kenê. Ewro ma ewnenê heme cinîyan ê AKPyî ra cîya benê,  polîtîkayê AKPyî lanet kenê." 

	 

	'Cinî do kuçeyan de cewab bidê' 

	 

	Yeşîme di peynîyê qiseyanê xo de ard ziwan ke, Erdogan cinîyê ke têkoşîn kenê û kuçeyan de yê bi ziwanêke serdest hedef gêno û vat do cinîyî duştê nê de têkoşînê xo bidomnê. Yeşîme wina peynî ro ci ard: "Heta ewro senîn ke têkoşînî ameyî kerdiş do nika ra pey zî wina bo. Cewabê nê hêrişan do bi têkoşînê kuçeyan de  bêro dayîş." 

	

	'Cewabo tewr weş do cinî bidê' 

	 

	Kênaya Mucela Yapici, Cansû Yapici da zanayene ke, ê nêzanenê bi çi cesaret eşkenê vajê 'Helesnaye', 'Surtuk' çi ca ra yeno û wina derg kerd: "Tirkîya de xeylêk kesî 'Heqaret ro serekkomarî ameyo kerdiş' ra dewayî ameyê akerdiş. La serekkomar bi rehetî ro her kesî heqaretan keno. Hema wa ma ra vajê, surtuk, ma verî zî  çapûlcûyî bî, ma serxweşî bî. Asayeno do nê heqaretî bidomê. Ma heminan têreyde serberzî û rûmetê Gezîyî ciwîyayî. No xoverdayîş, hetkarî, hereketêke umîdê  cinîyan ê û fînakê hereketê komelkî yê. Do cewabê tewr weş cinî bidê."