
Duştê serekkomarê AKPyî de reaksîyon: Ma di sîstemêke helesîyayeyî de ciwîyenê  

2022-06-05 09:20:57


	&nbsp;

	&nbsp;

	Melîke Aydin&nbsp;

	&nbsp;

	ÎZMÎR &nbsp;- Cinîyan reaksîyon ramojna serekkomar Tayyip Erdoganî ke heqaret ro cinîyan kerdbî û vatî: "Ma di sîstemêke helesîyaye de ciwîyenê. Verîyê her çîyî ganî partîya serekkomarî çinî bo. Coka rewşe her ke şina xerepêna, qaxûyê ma zî zêdeyêrî benê. Ganî ma bêveng nêmanê û sere nêtewênê."&nbsp;

	&nbsp;

	Serebûtê Gezîyî di 27ê Gulane ya 2013î de dest pêkerd û xeylêk cayê welatî de vîla bîyî. Bi amancê hetkarî dayê xoverdayîşo ke mîyan de Mucela Yapici, Çigdem Toker û Osman Kavala zî estê, ro 16 merdimî cezayî ameyî birnayîş. Bi hezaran merdimî duştê cezayî de vejîyayî kuçeyan reyna bî hedefê AKPyî. Serekkomarê AKPyî di rojanê vîyarteyî de, cinîyêke tewirê protestoyan bîbî ramojna û heqaretê sey çekûya 'Surtuk' cinîyan rê xebetna. Partîyê sîyasî derheqê Erdoganî de muracatê sûcî kerdî. Reaksîyonê cinîyan zî dewam kenê.

	&nbsp;

	Cinîyan derheqê &nbsp;babete de persê ajansê ma verpersnayî.

	&nbsp;

	Asîstana Hekîme Melek Tûtar: Mi nê vatişî nêhesna la ez ci ra pawena. Verî zî vatbî 'Dadîya xo bigîrê şêre'. Ez pawena. Ma serekkomarêke hemverê cinîyan de ke bi rûmet o, verê cinîyan de wazenê.&nbsp;

	&nbsp;

	Sekretera Heyetê Îdarîyî ya Şubeyê Odaya Muhendis û Mîmaran (MMO)ê Îzmîrî Evrîm Aksoy: Hema vajê ma surtuk ê, la ma tecawuzkerdox û qatilê cinîyan nêpawenê. Di Gezîyî de bi milyonan merdimî vatî 'Pêwa cil û belgî, hûmara tutan, ma seete çi de yenê keye nêbo'. La fam nêkerdî. Bi vatişê surtuk wazenê zîhnîyetê xo yê bîyayeyî bidomnê. Bi ziwanê xo yo lêşin her tim gêrenê. Xora her tim zî wina bî. Her çî werte de yo. Cinî bêveng nêmendî, ma estê û vatişê ma estê ke ma vajê. Quwetê ma esto.&nbsp;

	&nbsp;

	Karkerdoxa Plansazgeyî yê Şaristanî Hale Ozer: Ma her roje şerm kenê. Ma di sîstemêke helesîyaye de ciwîyenê. Verîyê her çî ganî partîya serekkomarî çinî bo. Ma xora uslûbêke baş ey ra nêpawenê. La vera rewşe her ke şina xerepêna, qaxûyê ma zî zêdeyêrî benê. Wexto serekkomar wina vajo, mêrdeyî zî vanê ma do zî vajê. Cinî yenê manîkerdiş. Erzenê planê peynî. Ganî ma bêveng nêmanê û sere nêtewênê.&nbsp;

	&nbsp;

	Rojnamegêra serbeste Emîne Kantarci: Ma sey merdimî xîtabkerdiş heq kenê. Ma vatişê wina hêrişkerdoxî yê duştê nasnameyê cînsîyî de qebûl nêkenê. Her roje cinîyî yenê qetilkerdiş. Eke no ekîbo ke welatî îdare bikero, nê vatişan bixebetno, do mêrdeyî zî bidomnê. Mi serekkomarî ra vatişêke wina qetî nêpawayêne. Qeydî çinîbîyayêne mi bawer nêkerdêne.&nbsp;

	&nbsp;

	Dîlek Karabeyoglû ya di sektorê xusûsî de xebetêna: No qetî ro serekkomarî nêkewt. Wexto rexne keno ganî ziwanêke pozîtîfî bixebetno. No uslûb qetî goreyê ey nîyo. Uslûbêke weş do probleman hel bikero.&nbsp;

	&nbsp;

	Kebanîya keyeyî Nîhal Yilmaz: Eke ewro, o serê na dewlete de yo, o bi rayê &nbsp;mi ameyo. Ma azadî nêda ey. La do bivurîyo. Ma serekkomarêke îdealîst wazenê. Ma serekkomarêke dînî binpay keno ke nêwazenê. &nbsp;Ganî serekkomar heqê cinîyan bipawo, hurmetdar bo. Çira seba vejêna tever surtuke bo? Ê ke di 15ê Temûze de vejîyayî teber çîyê gelo?

	&nbsp;

	

	&nbsp;