‘Nobeta Edaletî’ ya Keyeyê Şenyaşarî 453 rojî yo dewam kena 

2022-06-04 14:14:14


	 

	RIHA - Çalakîya "Nobeta Edaletî" ya Keyeyê Şenyaşarî 453 rojî yo dewam kena. Keyeyî çalakîya ewro de zî venga caardişê edaletî kerd. 

	 

	Merdim û pawitoxê parlamenterê AKPyî Îbrahîm Halîl Yildizî 14ê hezîrana serra 2018ine de qezaya Pirsûsî ya Rihayî de hêrişê dikanê keyeyê Şenyaşarî kerd. Hêriş de mêrde û 2 lajê dadîya Emîne Şenyaşar ameyî qetilkerdiş û lajê ci Ferît Şenyaşar zî bi birîndarî xelas bi. Seba tepiştiş û muhakemekerdişê kiştoxan, Emîne û Ferît Şenyaşar 9ê adara serra 2021ine de vernîya Edliyeya Rihayî de dest bi çalakîya Nobeta Edaletî kerdî. Çalakîya keyeyî roja 453ine de dewam kerd. Keyeyê Şenyaşarî seba ke peynîya hewteyî ya çalakîya xo keye de dewam kerd.

	 

	Keye, serê hesabê xo yê medyaya dijîtalî de nê mesajî pare kerd: "Sere de seba lajê xo yê tepişteyî û seba heme kesê ke bêhuqûqî bi serran o tepişteye yê, ma edalet wazenê. Ma waştişê xo yê caardişê edaletî dewam bikerê. Do vîrê ma de qesrê ke edalet ci de çin ê bimano. Anqara goş bide vengê ma.”