Polîsê Îsraîlî cinîyêke rojnamegere qetil kerd 

2022-06-02 13:29:02


	 

	 

	MERKEZÊ XEBERAN - Polîsê Îsraîlî Şeriayê Rojawanî de dekewtişê Wargehê Multecîyan ê Arroub rojnamgera Fîlîstînije Ghufran Warasneh qetil kerd. 

	 

	Rojnamegera Filistînîje Ghufran Haroun Hamed Rasna 1ê Hezîrane de demo ke nuqteyê kontrolî yê Kampa El-Erûb yê başûrê Şerîa Rojawanî dir derbas bîne, bi gulevaranê eskeran ameye qetilkerdiş. Ame zanayîş ke  Ghufran şîya xebata keyeyê medyayî. 

	 

	Rojnamegere Şirin Ebu Akile zî hetê polîsanê Îsraîlî ra amebî qetilkerdiş û hêrişî serê cenazeya ci de amebî kerdiş. Rojnamegerî de Koalisyonê Cinîyan ê (CFWIJ) derheqê babete de serê hesabê xo yê medyaya dîjîtalî de nê pare kerd: “Ma cinayet bi şîdet şermezar kenê. Ma şînê Ghufran gênê û edalet wazenê."

	 

	Sewbîna goreyê Wezaretê Weşîye yê Fîlîstînî hêzê Îsraîlî 1ê Çeleyî ra heta nika 61 Fîlîstînî qetil kerdê.