Cinîyî duştê qedexeyan de vejîyayî: Ma fek dewe û wareyanê xo ra vera nêdanê 

2022-06-01 12:29:28


	 

	 

	COLEMÊRG - Cinîyê Gever de ciwîyenê seba qedexekerdişê wareyanê ke bi polîtîkayê şerî yenê ca, nêeşkenê vejîyê wareyan labelê cinî vanê: "Ê wareyê ma yê ciwîyayîşî teng kenê zî ma do fek dewe û wareyanê xo ra vera nêdê. Ma do pêwa heme çîyî têkoşînê xo bidomnê." 

	 

	Vera polîtîkayê şerî yê bi destê îqtîdarê AKP-MHPyî serê Tirkîya de yeno kerdişî dir heme wareyî û wareyê şaristanan ê Kurdan de ciwîyenê, ameyê qedexekerdiş. Sewbîna şero ke bi hetkarîya PDKyî û îqtîdarîya AKP-MHPyî di 17ê Nîsane de, serê mintiqayê; Zap, Avaşîn û Metînayî de ameyê destpêkerdiş de, krîzê ekonomî serê şarê Tirkîya de roj bi roje giranêr kerdî. Êdî şar nêeşkeno pesê xo vera polîtîkayê şerî, qedexeyî û vaybîyayîşê çerênayîşî û nêeşkenê debara xo bikerê. Bêrîvanê di dewa Zêvkanîyî ya girêdayeyê qezaya Geverî ya Colemêrgî de ciwîyenê derheqê babete de vatişê xo ardî ziwan. 

	 

	Cinîya ke bi nameyê Fazîlet Polat a, seba qedexeyan bi serran o reaksîyon ramojnena îqtîdarê AKP-MHPyî, nê persî înan ra kena: "Çirê wareyê ma. ro ma qedexe kenê?" Fazîlete dîyar kerd ke seba qedexeyan do peso ke destê înan de yo zî telef bibo û nê çîyî vatî: "Her roje zemo ke ro benzînî kenê û şarî zî bêçare verdenê. Bes o wa êdî destê xo serê şarî ra biancê! Ma sereyê xo hemverê qedexeyê îqtîdarê AKP-MHPyî de nênanê ro. Îqtîdar çiqas cayê ke, ma ciwîya xo ci de domnenê teng bikero zî ma dest wareyê xo ra nêancenê. Ma vera qedexeyan, nêeşkenê pesê xo berê wareyî û cayê xo yê çînayîşî. Dewlete ya Tirkî vana, ma di hetê heqê merdimîyî de, tewr di sewîyeyê ke baş de yê, o wext wa heqê şarî zî bidê. Ma heta ke sax bê, îqtîdar ro ma çi bikero zî, ma do hemverê  ê qedexeyan de têkoşînê xo bidomnê." 

	 

	'Vera sîlehê kîmyewî problemê weşîyî ciwîyenê' 

	 

	Fazîlete reaksîyon ramojna polîtîkayê şerî yê îqtîdaran û vat ke di netîceyê şerî de, ê ke yenê qetilkerdiş tutê nê şarî yê û qiseyê xo wina dewam kerd: "No şero ke nika serê nê herdî de dewam keno, sere de zirar dano tutanê ma û xozayê ma. Bikarardişê sîlehê kîmyewî xozaya ma seki verî nîya. Ma, tutî û pesdewarê ma vera sîlehê kîmyewî promlemê weşîye ciwîyenê. Sewbîna herd û wareyê ma yo û ro ma qedexe kenê. Bi polîtîkayê şerî wazenê tewr zêde cinîyan çinî bikerê. Cinî seke verî nîyê, hemverê heme çîyan de ma dest têkoşîn ra nêancenê. Ma baş zanenê ke xoverdayîş ciwîyayîş o. Ma do tim xover bidê û têkoşînê cinîye berz bikerê." 

	 

	'Wa yewîya xurte awan bikerê' 

	 

	Fazîlete di dewamîya qiseyanê xo de reaksîyon ramojna şero ke bi serekîya Tirkîya û hetkarîya PDKyî ke serê Mintiqaya Federalî ya Kurdistanî de şinê şermezar kerd û wina qisey kerd: "Wa her kes hemverê kralîyetê keyeyê Berzanî de vajo êdî bes o! Xîyaneto ke keyeyê Berzanî keno, êdî nîno qebûlkerdiş!  Ma veng ro heme Şarê Kurdî yê ke seranserê dinya de ciwîyenê û vanê, wa yewîya xurte awan bikerê." 

	 

	'Sîlehê kîmyewî yenê bikarardiş' 

	

	Bêrîvana ke bi nameyê Gulê Polate dîyar kerd ke wexto ke şinê wareyê xo bi manîyîyê eskeran dir rî bi rî manenê û wina vat: "Vera polîtîkayê şerî ciwîya înan zafêr zahmet bîya. Eskerê yenê qeydê sabiqayê şiwanan kenê û şiwaneyê ke sabiqaya înan estê, nêverdenê şiwanî bikerê. Duştê heme zahmetîyan de ma reyna zî pesê xo çerênenê û weyî kenê. Pêroyî vera ke eskeran heta nika xeylêk wareyî topvaran kerdê û sîlehê kîmyewî bikar ardê. Kes nêwazeno şiwaneyî bikero. Tu xemê îqtîdarî nîyo ke wareyê ma qedexe yê. Pereyê înan estê û  tu derdê înan ê krîzê ekonomî çinî yê." 

	 

	'Heme probleman reyna ma ciwîyenê' 

	

	 

	Gule, reaksîyon ramojna vaybîyayîşê xercê mazotî û vat vera vaybîyayîşî nêeşkenê bostan û bexçeyê xo biramê û sewbîna bi nigan şinê mîyanê hêgayê xo. Gule dîyar kerd ke bi şito ke roşenê, bi şit zî nêeşkenê pereyê mazotî dest bifînê û wina vat: "Verî ma şîyêne wareyê xo heta mengê payîzî ma cayê xo yê wareyan de mendêne. La çi heyf ke nika vera nê şerî û krîzê ekonomî ma nêeşkenê şêrê. No halê ma zî qet xemê îqtîdarî de nîyo, heme probleman reyna tena ma ciwîyenê." 

	 

	'Tena çareserîyêke esta na zî yewîyîya Kurdan a' 

	 

	Hatîce Polate zî da zanayene ke no 20 serrî yo karê Bêrîvanîyî kena û vat, wextê verî wareyê înan weşêrî bîyê, nika zî seba qedexeyan tu weşîyîya bêrîvanî û wareyan nêmenda. Hatîceye wina qisey kerd: "Wexto ma şîne wareyê xo eskerî vernîyê ma gênê û ma ra vanê 'Tîya de çi karê şima esto?'. Cayê ke ma wazenê şêrê, her tim vernîyê ma de sînorêke xêz kenê. Ma mîyanê dewe de heps kerdê. Ma nêeşkenê serê herdê xo de bi zerrîya rehetî bigêrê. Tena çareserîyêke esta na zî yewîyîya Kurdan a. Eke ma nêbê yew, do nê nêweşîyî tim dewam bikerê. Heta ke operasyonî peynî nêbê, do halê ma wina bo." 

	 

	'Şer merg, krîz û qedexeyan ano' 

	 

	Hatîceye reaksîyon ramojna operasyonê ke serê Zap, Avaşîn  û Metînayî de domnenê û qiseyê xo wina bi peynî kerd: "Waştişê ma no yo ke şer lezkî vindero. Şer tena zirar dano Şarê Kurdî. Xêrê nê şerî tu kesî rê çinî yo. Şer merg,  krîz û qedexeyan ano. Wa her kes dest bido yewbînan û nê şerî lezkî bidê vindarnayîş."