Serrgera 5ine ya Yenî Yaşamî: Têkoşînê pey heqîqetî 

2022-05-25 15:50:13


	 

	 

	STENBOL - Rojnameyê Yenî Yaşamî ke pencereyê heqîqetî de weşan keno, ewro kewt 5in serreyê xo. Edîtorê rojnameyî dîyar kerdî ke ê dewamê adetê çapemenîya kurdî yê û vatî, pêwa ke welat de faşîzm bi pêroyî çapemenî kerdo binê hîmayê xo zî serewedaritişê Yenî Yaşamî dewam keno. 

	 

	Rojnameyê Yenî Yaşamî ke adetê heqîqetê çapemenîya azade dewam keno, kewt serra xo ya 5in. 25ê Gulana 2018ine de bi manşetê "Fatûrayê Ci Şarî ra" vejîya. 

	 

	Bi munasebetê serrgera Rojnameyê Yenî Yaşamî edîtorê rojnameyî Reyhan Hacioglu û edîtorê rûpelê cinîyan Nevîn Cerav ercnayîş kerd.

	 

	'Çîyê çapemenîya azade serê lingan de verdeno têkoşîn o' 

	 

	

	Reyhan Hacioglû ya ke bi Rojnameyê Yenî Yaşamî dest bi rojnamegerîye kerdbî, şahidê prosesê padayîşê rojnameyanê ke bi Qerarnemeyê Hukmê Qanûnî (KHK)kerdbî. Reyhane di eynî wextî de zî ê kesan ra ke bi îşkence ameya destbendkerdîş. Reyhane wina vat: "Rastîyêke na herdnîgarîye esta. Rastîyêke merdim Kurd bo esto. Eslê xo de merdim mîyanê têkoşînêk de yeno dinya. Merdimê na herdnîgarîye heme nînan ciwîyenê. Mesela ez bîya şahidê Qirkerdişê Dîgorî. Ez fikirîyena ke, a ke bî sebeb ez verê xo bidî çapemenîya azade no bî. Wexto mi dest pêkerd yanî 2015î de xeylêk şaristanê Kurdistanî ameyî xerepnayîş. Qirkerdişî ameyî kerdiş. No zilm bi sebeb ke xeylêk merdimî  xo organîze bikerê. Ewro polîtîkayê şerê xusûsî serê çapemenîye de yenê kerdiş. Ewro xeylêk embazê ma zîndanan de yê labelê tehda verê ma de nêbedilîyena, adiz kena. Ez vana çîyê ke çapemenîya azade serê lingan de verdena zî nê yê. Çîyê ke çapemenîya azade serê lingan de verdeno zî têkoşîn o. 

	 

	'Seba ez bibî vengê cinî û tutan ez Yenî Yaşamî de ya' 

	

	 

	Nevîn Carava ke di wareyê muxabîrîya cinîyan de xebate kena, wina vat: "Duştê hêrişê serê cinîyan û tutan de seba ez vengê înan bidî hesnayîş, ez tîya de ya. Seba ez hetê bi hêzî yê têkoşînê cinî vejî vernîyê şima ez tîya de ya. Xeylêk xeberê ke ma ser o xeylêk rojname û sîteyan de nêvînenê ma di Yenî Yaşamî de vînenê. Yenî Yaşam perspektîfê azadîya cinî asas gêno. Yenî Yaşam dewamîyê toreyê Gûrbettellî Ersoz, Nûjîyan Erhan û Mûsa Anterî yo. Xeberêke Tirkîya de sere ra tu çapemenîye de şima nêeşkenê bivînê, serê Rojnameyê Yenî Yaşamî de estê. Coka ganî Rojnameyê Yenî Yaşamî bêro wendiş."