
AYMyî Aysel Tugluke heqdar dî 

2022-05-25 13:42:53


	&nbsp;

	&nbsp;

	ANQARA - Dadgeha Destûrê Bingehîn (AYM), muracatê tepişteya nêweşe sîyasetmedara Aysel Tugluk de qerarê binpaykerdişî da.&nbsp;

	&nbsp;

	Dadgeha Destûrê Bingehîn (AYM), muracatê tepişteya nêweşe sîyasetmedara Aysel Tugluk de qerarê binpaykerdişî da. Seba 8ê teşrîna verêne 2010 de qezaya Nisêbînî ya Mêrdînî de tewrê kombîyayîşêk ke hetê Kongreya Komeleyê Demokratîke (KCD) bîbî, dewa Aysele rê amebî akerdiş û dewa de derheqê ci de taloqkerdişê peykewtişî û seba 3 serran kontrolê edlî amebi dayîş. Avûkatanê Aysele, nê qerarî 2yîn Dadgeha Cezaya Giran ya Mêrdînî de îtîraz kerdibî û dadgehe îtîraz red kerdibi. Nê ser de avûkatan muracatê AYMyî kerdibî.

	&nbsp;

	AYMyî muracat qebûl kerd û dîyar kerd ke bi qerarê taloqkerdişê peykewtişî û kontrolê edlî yê seba 3 serran ê derheqê Aysele de "heqê ci yê azadîya fehmî, kombîyayîş û rayîra şîyayîşî” ameyo binpaykerdiş. AYMyî eynî wextî de qerar da ke Aysele newe ra bêro muhakemekerdiş û 13 hezar û 500 TL tazmînatê manewî ci rê bêro dayene.

	&nbsp;

	AYMyî vernîya çend rojan muracatê Aysele ke seba tepiştişê aye ya diyîn dewaya Kobanî de amebi kerdiş vernîya "esasî de cigêrayîş" bikero red kerdibi.&nbsp;

	&nbsp;

	Avûkata Aysele, Reyhan Yalçindag qerarê ke ameyo dayene ercna û wina vat: "Muracatê biesas de qerarê redî danê û babeta asane de zî qerarê binpaykerdişî danê û wazenê çiman girê bidê.”

	&nbsp;