
Çalakîya Emîne Şenyaşare roja 440ine de ya  

2022-05-22 14:05:11


	&nbsp;

	&nbsp;

	RIHA - Çalakîya Keyeyê Şenyaşarî ya Nobeta Edaletî di roja 440ine de bêmabên dewam kena. Keyeyî di çalakîya ewro de bale ante serê diznayîşê qeydê kamerayê nêweşxaneyî û wina vatî: "Beno ke şima hêzê sîyasî bixebetnê û dest bidê serê qeydê kamerayan. La şarê Rihayî şahidê her çîyî yo."&nbsp;

	&nbsp;

	Merdim û pawitoxê parlamenterê AKPyî &nbsp;Îbrahîm Halîl Yildiz di 14ê Hezîrane ya serra 2018î de, Pirsûsê Rihayî de hêrişê dikanê Keyeyê Şenyaşarî kerd. &nbsp;Netîceyê hêrişî de mêrde û 2 lajê dadîya Emîne Şenyaşare ameyî qetilkerdiş û lajê aye Ferît Şenyaşar zî bi &nbsp;birîndarî xelesîya bî. Seba tepiştiş û muhakemekerdişê qatilan, Emîne û Ferît Şenyaşarî di 9ê Adare ya serra 2021î de vernîyê Edlîyeyê Rihayî de dest bi Nobeta Edaletî kerdbî. Çalakîya keyeyî di roja 440ine de zî dewam kerd. Coka ke peynîyê hewteyî berê edlîyeyî padaye yo. Keyeyî çalakîya xo Pirsûs de keyeyê xo de domna.&nbsp;

	&nbsp;

	Keyeyî serê hesabê xo yê Medyaya dîjîtalî de têkilîya diznayîşê qeydê kamerayê ke Nêweşxaneyê Dewlete ya Pirsûsî de, nê mesajî pare kerdî: "Ganî huqûq û edalet nêbo qurbanê menfîetê sîyasî! Beno ke şima hêzê sîyasî bixebetnê û dest bidê serê qeydê kamerayan. Labelê şarê Rihayî şahidê her çiyî yo."

	&nbsp;