Amed de 10 kesî ameyî tepiştene 

2022-05-21 14:58:07


	 

	AMED - Amed de 10 endamê HDPyî ameyî tepiştene. Anqara de tepiştişê endamanê Meclîsê Ciwanîye yê HDPyî ame şermezarkerdene.

	 

	Bi şahîdîya Kezîbane Kuday 13 kesê ke çewaya cipersayîşê Serdozgerîya Komare ya Amedî de Amed, Mêrdîn û Riha de ameybî destbendkerdene ra 10 kesî ameyî tepiştene. Kesê ke ameybî destbendkerdene vizêr vejîyayî mehkeme. Mehkeme de endamê Merkezê Partîye yê HDPyî Halîde Turkoglu, Çekdar  Budak, Sevîme Akdag û Zelîha Kocaman û endamê Meclîsê Ciwanîye yê HDPyî Betule Unsal, Metîn Yilmaz, Bêrîtane Yaşar, Hamza Agirman, Esengule Kiliç, û Mustafa Kurt sewqê edlîye ameyî kerdiş.

	 

	Mehkemaya Cezaya Sulhî ya Nobedare Halîde Turkoglû, Çekdar Bûdak, Sevîm Akdag, Zelîha Kocaman, Betûl Unsal, MetînYilmaz, Berîtan Yaşar, Hamza Agirman, Esengul Kiliç û Mustafa Kûrt bi sûcê "endamtiya rêxistinê" ameyî tepiştene û Nurullah Ozgun û Rûbar Armagan bi şertê kontrolê edlîyî û Emîne Aksoy zî badê îfadeyê dozgerîye ameyî veradayene.