Seba Konferansê Cinîyan ê Merkezî vengdayîş: Ma cewab danê îqtîdarî 

2022-05-20 12:13:49


	 

	STENBOL - Endama Koordînasyonê Cinîyan ê Ciwanan Rojîn Keskîn vernîya 4in Konferansê Cinîyan ê Merkezî yê Pîlî ke 21-22yê Gulane de hetê Meclîsê Cinîyan ê HDPyî ra yeno kerdiş, venga ciwanan kerd û vat, ganî bi tewirbîyayîşêk xurt cewabê îqtîdarî bêro dayîş.

	 

	Meclîsê Cinîyan ê Partîya Demokratîke ya Şaran (HDP) 21-22yê gulane de 4in Konferansê Cinîyan ê Merkezî yê Pîlî do bikero. Vernîya Konferansê Merkezî, konferansê mintiqa de bi hezaran cinî ameyî têhet û xeylê babetan munaqeşe kerdî.

	 

	Endama Koordînasyonê Cinîyanê Ciwanan ê HDPyî Rojîn Keskîn derheqê Konferansê Cinîyan ke do 21-22yê Gulane de bêro kerdiş ercnayîş kerd.

	 

	‘Hewl danê bîyayîşê ma pêroyî pak bikerê’

	 

	Rojîne vat, peynîya serre de partîya înan bi xeylê provakasyonan dir rî bi rî menda û vat: “Şexsê cinîyanê ciwanan de komel zî tesîr beno. Ma hetê ekonomî û sîyasî de bi tesîr bî. Embazê ma ameyî destbendkerdiş û tepiştiş û cinîyê ciwanî ameyî remnayîş. Rewşa ajanî ameyî ciwîyayîş. Pere pêşnîyazê ciwanan kerdî û fuhuş înan rê ferz kerdî. Ma îqtîdarêko wazeno bîyayîşê ma çin bikero dir rî bi rî yê. Zerrîya her ciwanan de hîsê azadîye esta. La keyeyî asas nêdanê nê. Îqtîdaro ke cinîyê ciwanî çinî keno keyeyan organîze keno û cinîyê ciwanî çinî hesibneno. Vera nê ma serê na babete de ma xo resna çiqas cinî, ma emsar çi kerd, ma çiqas organîze kerd, vindertî." 

	 

	‘Îdîayê ma estê’

	 

	Rojîne dîyar kerd ke îqtîdar bi polîtîkayê xusûsî hewl dano cinîyê ciwanî bêhîs verdo û duştê nê de ma pêşnîyaz kerd: "Ma do bi xoverdayîşî verpersê ey bidê. Ma xoverdayîşî de bi israrê û ma do duştê nê de têkoşîn bikerê. Ma ver bi Kongreya Pîlî ra şinê û ma xoverdayîşî duştê zîhnîyetê mêrdeyî de munaqaşe kenê. Cinîyê rêxistinkerdeyî hedef de yê. Denîz Poyraze di hêrişê hemverê HDPyê Îzmîrî de hetê verguman Onûr Gencerî ra ame qetilkerdiş. Bi nê qetilkerdişî hewl dayî ke verpersêke bidê cinîyan. No mojneno ke cinîya Kurde ra xeylêk terseno." 

	 

	‘Îqtîdar serê kulturî ra verê xo dano ciwanan’

	 

	Rojîne qal kerd ke derheqê seyyewbînîya cinsîyetê komele de xeylêk programî, atolyeyî û seyranî ardê ca û wina dergî da qiseyanê xo: "Îqtîdar hewl dano ke serê kulturî ra verê xo bido ciwanan. Kesê ke kulturê înan çinê bîyê. Kulturê kesê ke bînî edî kulturê înan ê." 

	 

	‘Do cewabê îqtîdarî bêro dayîş’

	 

	Rojîne bale ante serê tehdîdê polîsan ê ke ro Ayşe Acar Başarane amebî kerdiş û nê reaksîyonî motî ra: "Ma do verpersê nê di Kongreya Merkezî de bidê. Ma Cinîyê Ciwanî û Meclîsa Cinîyan û cinîyî do verpersê xo bidê. Ma do kongreya xo bi coşî bîyarê ca. Do verpersê ma pîl bo. Cewabo tewr pîl cinîyê ciwanî danê neyarî. Amancê ma no yo ke ma bi coşî bîyayîşê xo bi kongreya xo bi îqtîdaro faşîstî rê bidê hîskerdiş."