Konferansê Cinîyan ra netîce vejîya: Duştê zîhnîyetê serdestî de têkoşîn  

2022-05-15 14:02:28


	 

	 

	ÎZMÎR - Meclîsa Cinîyan ê HDPyî yê Mintiqaya Egeyî de konferans ardî ca. Ozlem Gumduze ya HDPyî dîyar kerd ke di konferansî de derheqê hêrişê hemverê serê cinîyan de tay pêşnîyazê çareserîyî vejîyayê aver û seba nê gamî bikewê pratîkî do zêdeyêr têkoşîn  bikerê û her hetî ra cinîyan dir bêrê têhet. 

	 

	Verî yê 4in Konferansê Merkezî yê aye di 21-22yî Gulane de bêro ca ke Partîya Demokratîke ya Şaran(HDP)î û Meclîsê Cinîyan ê HDPyî konferansê pêroyî û cinîyan ê mintiqayî zî domnenê. Bi sloganê 'Ma azadî de, di têkoşîn de bi israrê' Marmara, Behrasîya, Ege û mintiqayê Serhedî de konferansî peynî bî. Di prosesê aver de zî do Çûkûrova û Amedî de konferansî bêrê ca. 

	 

	Wekîla Hemserekîya Pêroyî yê Organîzebîyayîş ê Verpersîyarî yê Merkezê HDPyî ra, verpersîyare Ozlem Gunduze derheqê amancê konferansî de erjnayîş kerd. 

	 

	'Promlem û pêşnîyazê helkerdişî ameyî qiseykerdiş' 

	 

	Ozleme da zanayene ke pêwa netîceyê civatê qeza û merkezan ra yê di prosesê 2 serrî û nîm de vejîyayo werte, derheqê problemê her mintiqayî de tesbît û pêşnîyazê helkerdişî ameyê kerdiş û wina vat: "Hemverê destqezencîyê cinîyan,  cinîyan û HDPyî de hêrişê pîlî estê. Faşizm; cinîyan, Kurdan, hetê muxalîfan hewl dano ke çinî bikero. Di prosesêke winayîn de zî têkoşînêke cinîyan ê bi paştgirewtişêk pîl yena rayrayîş esta.  Ma Mintiqayê Egeyî de derheqê hêrişan de, derheqê metodan de munaqaşeyî kerdî." 

	 

	'Eşkerabîyayîşê têkoşînî' 

	 

	Ozleme vat yew babeta konferansê Mintiqaya Egeyî ra ameyo munaqaşekerdiş de zîhnîyetê serdestan bîyo û vat mêrdeyî hêrişan de hetê îqtîdarî ra hemverê cinîyan de cesaret gênê  û wina ci de şî:Serê na nizdîyîya serdestan de munaqaşeyî ameyî kerdiş. Seke çareserî zî qerarê pîlkerdişê têkoşîna cinî  amî dayîş. Problemê multecîyan, rijnayîşê ekolojîkî, talanê xozayî, karkerîyê demserrî ameyî qiseykerdiş. Problemê ke cinî vera krîzê ekonomî ciwîyenê zî ameyî munaqaşekerdiş û pêşnîyazê helkerdişî ameyî kerdiş. Derheqê her sernameyî de pêşnîyazî ameyî kerdiş. Rayîro hîrêyîn hetê cinîyan ra ame munaqaşekerdiş." 

	 

	'Cinî do bibê wayîrê vatişî' 

	 

	Ozleme dewamîye de wina qal kerd: "Goreyê nîzamnameyê partî, a têkoşîna ke heme cinî di sîyasetê demokratîke de yê bibê wayîrê vatişî danê. Meclîsê taxan, meclîsê cinîyan, muşahîdîya seyyewbînî, mekanîzmayê hemserekî estê. Seba cinîyî di nê mekanîzmayan de ca bigîrê ma têkoşîn kenê." 

	 

	'Ma do cinîyan dir bibê yew' 

	 

	Ozleme ramojnayîş kerd ke do organîzeyê cinîyan ê teberê HDPyî, cinîyê sazgeyê cîya de ca gênê û hereketê femînîstî yê Tirkîyayî dir bêrê têhet û wina peynî ro ci ard: "Ma hewl danê ke, heme hetê ke hêrişê zîhnîyetê serdestî ya mêredeyî ra, îqtîdarîya AKP-MHPyî ra adizê dir bêrê têhet. Ma derheqo ke di asasê muşterekî de bêrê têhet têkoşîn bikerê. Ma do her ke şêrê pîl bibê. Ma do têkoşîne pîl bikerê. Ma di pîlkerdişê têkoşînî de bi qerarê."