Şirnex û Dêrike de sereştişê keyeyan 

2022-05-10 12:33:42


	 

	 

	ŞIRNEX - Şirnexî de sergirewtişê keyeyan de 4 kesî ameyî destbendkerdiş. 

	 

	Şaristanikê  Dêrgulî  yê Şirnexî de û şaristanikê Erebanî yê qezaya Hezexî de polîsan serê keyeyan de girewtî. Sergirewtişê keyeyan ê Dêrgulî de îdarekara verî yê Partîya Demokratîke ya Şaran (HDP)ê Şirnexî Zozan Aksû û Zeynep Ûnat,  Erebanî de zî Hemsereka Şaristanê HDPyî  Muzzeyen Înane û lajê xo Osman Înan ameyî destbendkerdiş. 

	 

	Sewbîna ame zanayene ke Muzzeyene ke banê xo sey awanîya partî xebetnena cigêrayîş ci de ameyî kerdiş. 

	 

	Sergirewtişê keyeyan de 4 kesê ke ameyê destbendkerdiş sebebi ci nîno zanayîş û sewbîna ame eşkerakerdiş ke do înan berê Mudurîyetê Polîsan ê Şirnexî. 

	 

	Ame hesnayîş ke beno ke humara destbendkerdişî zêdeyêr bibo.

	 

	Dêrik de 7 kesî ameyî destbendkerdiş

	 

	Qezaya Dêrikî ya Mêrdînî de saetanê serê sibayî de polîsan eşt serê keyeyan û bi idiayê ke Newroza 20ê Adare de "propagandayê rêxistine" 7 kesî destbend kerdî. Çarçewaya tehqîqatê Serdozgerîya Komare ya Mêrdînî de Bahriye Dolcek, Şukriye Guven, Ayten Deniz, Sultan Kaya, Azad Pilsin, Hejan Pilsin û Kadir Înce ameyî destbendkerdiş.

	 

	Yê ke ameyî destbendkerdiş berdîyayî Mudurîyê Qezaya Dêrikî.