Dayîka Pinare: Qatilî serbest ê, mi rê zî dewa akerdî  

2022-05-07 14:08:37


	 

	Rozerin Gultekin

	 

	STENBOL - Dayîka Pinar Gultekîn, Şefîka Gultekîne dîyar kerd ke serê gerrekerdişê Cemal Metin Avci dewa ci rê ameya akerdiş û wina veng da dozger û dadgeran kerd: "Eke serebûtêk wina biameyîne sereyê înan, do reaksîyonêk senîn nîşanê kiştoxan bidayîne? Çira dejê mi nêvînenê?"

	 

	Serra 2020 de Mugla de bi iddiayê dayîka Pinar Gultekine, Şefika Gultekine tehdîdê versuc Cemal Metin Avci kerda û heqaret ci rê kerda hetê Serdozgerîya Komare ya Muglayî ra iddianame ame amadekerdiş. Versuc Cemal Metin Avci roniştişê 26ê Nîsana 2021 de dimayê vatişê Şefikaye Serdozgerîya Komara ya Muglayî de gerreyê Şefîka kerdo.

	 

	4 serrî û 4 mengan ceza ame waştiş

	 

	Îddianameyê dozgerî amade kerd hetê 1in Dadgeha Cezaya Esliyeyî ra ame qebûlkerdiş. Seba Şefikaye bi iddiayê "tehdîd","heqaret" 4 serrî û 4 mengan cezaya zîndanî ameye waştiş. Do roniştişê yewin zî Dadgeha Cezaya Esliyeyê ya Muglayî de bêro vînayîş.

	 

	Şefika Gultekin derheqê akerdişê dewaya serê gerrekerdişê versuc  Cemal Metin Avci de ajansê ma rê qisey kerd.

	 

	'Eke bi ameyîne sereyê înan do reaksîyonêk senîn ramojnayîne?'

	 

	Şefika vat, dewa ke di serrî ya dewam kena heme çî kenê milê Pinare û wina vat: "Vatişê qatilî Cemal Metin Avci gênê verê çiman la yê mi nêgînê verê çiman. Ez qerarê ke dozgerî dayo şermezar kena. Ma edalet wazenê. Qatilê kênaya mi tena yew kes nîyo. Dayîk, şirîkê ci zî hemkar ê. La dozgerî înan vera da. Dayîkêke rê dewa akerdî. Ez takdîrê nê çî rayaumumî rê verdana. Dayîk û waya dozgerî estê. Wa xo bikerê vera min. Eke bi ameyîne sereyê înan, do reaksîyonêk senîn ramojnayîne? Çira dejê mi nêvînenê? Vengdayîşê mi dinya rê yo. Wa dozgerî û dadgerê bi wijdan dewaya ma ra biewnê. Ma êdî nê çîyêke qewimyenê nêeşkenê wedarnê. Danî ceza bidê kiştoxan."

	 

	'Eke dewlete nê dejê mi bidîne do mi nêdayîne dadgehe'

	 

	Şefîkaya ke tim persa "Edaletê to ça de yo?" kerdêne wina vat: "Reaksîyonê ke mi dayo qatilî normal o. Vera dozgerî û dadgerî do reaksîyon normal bivînê, dewa mi rê akerdî. Gelo do her kes reaksîyonêk senîn nê çîrê bido. Cînayetê kênaya mi nêşibyeno cînayetê bînan. Kênaya mi merda nêeşkena xo îfade bikero la ê çîyan kenê serê kênaya mi. Ser de zî dewa mi rê akneê. No xeylêk çîyêk bi dej o. Seba meşgulbîyayîşê dewa dir ma nêeşkayî dejê xo biciwîyê. Dewlete nê dejê mi bidîne, do mi nêdayîne dadgehe."

	 

	'Cesaret danê camêrdan'

	 

	Şefîka vat versuc Cemal Metin Avci seke Pinare nêkişto rehet têgêreno û vat: "Bes e wa êdî cinîyan nêkişê. Eke nê wina dewam bikerê, do cînayetî tu wext peynî nêbê. Bêcezayî dir cesaret gênê. Sey dayîkêke mi danê dadgeh. Seba ke  cesaret danê camêrdan, camêrdî roje de des cinîyan kişenê. Paştdayîş bidê mi. Eke ma paştdayîş nêdê yewbînan, do tewr zêde cinî bêrê kiştiş."