‘Nobeta Edaletî’ ya Keyeyê Şenyaşarî 423 rojî yo dewam kena  

2022-05-05 14:37:36


	 

	
		RIHA - Çalakîya "Nobeta Edaletî" ya Keyeyê Şenyaşarî 423 rojî yo dewam kena. Keyeyî ewro nê mesajî pare kerd: “Gamêke huqûqî ame eştiş la hema zî waştişê ma nêameyê ca.”
	
		 
	
		Çalakîya "Nobeda Edaletî" ya Emîne Şenyaşar û lajê ci Ferît Şenyaşar verê Edliyeyê Rihayî roja 423ine de dewam kena. Keyeyî sey her sibayî nê siba zî qezaya  Pirsûsî ame verê edlîye û nobete da destpêkerdiş. 
	
		  
	
		Ferît Şenyaşar ard vîr ke nêzdîyê 4 serrî yo têkoşînê înan edaletî dewam keno û vat: Aşmî, serrî derbas bî, menga Remezanî qedîya la hema zî waştişê ma yê edaletî bi ca nêame. Sdba ke edalet bi ca nîno, ez û dayîka xo verê edlîye nişnenê ro. 
	
		 
	
		Dimayê 4 serran gamêk huqûqî ame eştiş, qatilan ra  4 kesî ameyî tepiştiş. No tena gamêke huqûqî yo. Ma selahîyetdarê hukmî kenê, gamêke huqûqî ameye eştiş la hema waştişê ma bi ca nêardî. Birayê mi Fadil 4 serrî yo bi hawayêke nêheqî tepişte yo û hucreyê yew kesî de yeno tepiştiş. Waştişê dayîka mi oyo ke lajê ci lezabez bêro veradayîş. Heta lajê ci nêro veradayîş do verê edlîye nêşêro cayêk bîn. Bi milyonan kesî wayîrê têkoşînê dayê vejênê. Waştişê ma yê edaletî helbet do bi ca bêro. Ma wazenê no zulm peynî bo.”