
'Nobeta Edaletî' ya Keyeyê Şenyaşarî 414 rojî yo dewam kena 

2022-04-26 14:29:51


	&nbsp;

	RIHA - Keyeyê Şenyaşarî çalakîya "Nobeta Edaletê" de nê mesajî pare kerd: "Wazena lajê xo yê ke bi 4 serrî yo hucre de yeno tepiştiş dir şêrî keyeyê xo û êdî şînê xo bigîrî."

	&nbsp;

	Merdim û pawitoxê parlamenterê AKPyî Îbrahîm Halîl Yildizî 14ê hezîrana serra 2018ine de Pirsûs ê Rihayî de hêrişê dikanê Keyeyê Şenyaşarî kerd. Hêriş de mêrde û 2 lajê dayîka Emîne Şenyaşare ameyî qetilkerdiş û lajê ci Ferît Şenyaşar zî bi birîndarî xelas bi. Seba tepiştiş û muhakemekerdişê qatilan, Emîne û Ferît Şenyaşar 9ê adara 2021 de vernîya Edliyeyê Rihayî dest bi Nobeta Edaletî kerdî. Çalakiya keyeyî roja 414ine de dewam kerd. Keye, saetanê sere sibayî de Pirsûs ra ameyî, verê Edlîyeyê Rihayî.&nbsp;

	&nbsp;

	Emîne û Ferît Şenyaşar serê derenceyê edliyeyî niştî ro û welatî û avûkatê ke rayîrê înan kewto edlîye, qalê sebebê Nobeta Edaletî kenê.

	&nbsp;

	Derheqê babete de keyeyî serê hesaba xo ya medyaya komelî hesabê Wezaretê Edaletî û Wezîrê Edaletî Bekir Bozdagî etîket kerdî û vatî: “Dayîka Emîne: Derheqê dewaya ma de gamêke huqûqî ame eştiş. Hem dewlete û hem zî hukmat qebûl kerd ke tutê ma bi nêheqî ameyî kiştiş. Mêrde û 2 tutanê mi qetil kerdî. Ez wazena bi lajê xo yê ke bi 4 serrî yo hucre de yeno tepiştiş, şêrî keyeyê xo û şînê xo bigîrî."

	&nbsp;