Welatîyê Şehbayî duştê hêrişan de rayrayîş kerdî

2022-04-25 15:40:38


	 

	ŞEHBA - Bi amancê şermezarkerdişê hêrişê serê Vaşurê Kurdistanî de Meclîsê Kantonê Şehbayî bi sloganê 'Hetkarîya PDKyî bi dewlete ya Tirkî dir a, xîyanet o' rayrayîşêk tertîb kerd.

	 

	Bi amancê şermezarkerdişê hêrişê serê Vaşurê Kurdistanî de Meclîsê Kantonê Şehbayî bi sloganê 'Hetkarîya PDKyî ke bi dewlete ya Tirkî dir a, xîyanet o' rayrayîşêk qezaya Ehzeyî yê Kantonê Şehbayî de tertîb kerd. Heme welatijê Kantonê Şehbayî û endamê Meclîsê Kantonê Şehbayî beşdarê rayrayîşî bî. Rayrayîşî de alê Meclîsê Cinîyan ê Azadan ê Şehbayî, fotografê Rayberê PKKyî Abdullah Ocalanî û fotografê şehîdan ameyî berzkerdiş. Sewbîna pankartê bi nuştişê 'Dewlete ya Tirkî rê ney, xoverdayîşê gerîllayî rê eya!' û 'Bimiro Erdogan!' Rayrayîş serê qezaya Ehrezî ra dest pêkerd. Dima ra rayrayîş bi deqeyêke rêzgirewtene seba şehîdanê azadîyî dêsê qezaya Ehrezî de vurîyayî mitîngî.

	 

	'Hemverê neyarî de her tim hîsê ma heyf girewtiş o'

	 

	Endamê Hereketê Ciwanan ê Şorişgêr ê Kantonê Şehbayî Ronahî Hesene qisey kerd û wina ard ziwan: "Dewlete ya Tirkî ya îşxalkerdoxe bi serrano hêrişê xo serê koyanê azadî de dewam kena. Vera ke reya yewine ya ke hereketêke wina hemverê modernîteyê kapîtalîstî de vejêno: No yew zî goreyê mefeatê neyarî nîyo, vera nê yewî hêrişê xo bi hetkarîya xîyanetkarê Kurdan PDKyî dir çar perçeyê Kurdistanî de keno. Hemverê heme hêrişê bîyayeyî de gerîlayî xoverda û têkoşînêke bêemsal kenê. Hemverê heme hêrişê îşxalkerdoxan de ma seke Ciwanê Şoreşgêrî û şarê welatpawiteyî, ma do hele bi hele hetkarîya gerîlayê xo bikerê. Seba nê zî hemverê hêrişanê îşxalkerdoxan de do her tim hîsê ma heyf girewtiş bo."

	 

	Rayrayîş, bi berzkerdişê sloganê 'Bimiro xîyanet!', 'Biciwîyo xoverdayîşê gerîlayî!' û 'Biciwîyo Rayber Apo!' peynî bi.