Dayîkê Aştîye: Wa PDK nêro kayanê Tirkan 

2022-04-14 11:34:24


	 

	 

	Rabîa Onver

	 

	COLEMÊRG - Endamê Meclîsê Dayîkê Aştîye ya Geverî reaksîyon vera PDKyî ke bi Tirkîya dir amadekarîya hêrişê hemverê Herêma Federala Kurdistanî de ya, ramojnayî û vatî: “PKK tu zirar nêda Barzanî. Her tim destê aştîye derg kerd la Barzanî her tim şer kerd. Êdî bes o. Wa ê destê xo yê lêşin serê tutanê ma ra wedarnê.”

	 

	Tirkîya hemverê herêmanê Zap, Metîna, Avaşîn yê Herêma Federal a Kurdistanî 23ê Nîsana 2021î de operasyonê leşkerî da destpêkerdiş û bi serrêke operasyon dewam keno. Tirkîya ke netîceyê ke waşt nêeşka bidest bikero, hewldanê xo yê hemverê herême de dewam kena. Dimayê trafîkê dîplomasî mabêne Anqara-Hewlêrî de zêde bî dima, bi hemkarîya AKP-PDKyî çarçewaya operasyonê teberê sînorî de amadekarî ameyî hîrakerdiş. Operasyon û hêrişî bi paştdayîşê PDKyî dewam kenê û şarê Kurdî zî vengdayîşê vera şerê PDKyî keno.

	 

	Endamê Meclîsê Dayîkanê Aştîye yê Geverî reaksîyon vera operasyonê bi hemkariya PDK û Tirkîya yeno kerdiş ramojnayî û veng dayî.

	 

	‘Barzanî bi talîmatê Tirkîya qerar dano’

	 

	Zozan Gurbuz dîyar kerd ke Dayîkê Aştîye vernîya her çî aştî wazenê û vat: “Barzanî Kurd o, wa eslê xo vînî nêkero. Gelo Erdogan çi dano Barzanî ke wina hemverê Kurdan de şer dayo destpêkerdiş. Her ca de qerekolan viraştî, şer de kîmyasalan xebitneno. Ma dayîkî her tim veng danê Barzanî la o şer dewam keno. Barzanî bi aqilê Tirkîya qeraran dano, şer keno û dano wayê û birayê xo ro. Bi kîmyasalan tutanê kurdan kişeno. Vano terorîst ê. La terorîstê esas ê yê.”

	 

	‘Wa no şer peynî bibo’ 

	 

	Zozane vat, şer û hêrişê ke yenê kerdiş, kezeba dayîkan veşana û wina qedêna: “Wa no şer û zilm biqedîyo. Wa Homa nê zulmî qebûl nêkero. Vera Barzanî paştdayîş bido kurdan bi Erdogan dir pê keno. Wa Barzanî nêro nê kayan. Wa destê xo serê kurdan ra bianco. Waştişê ma oyo ke no şer peynî bibo, gonî nêrijîyo.”

	 

	‘Key bêro Anqara qirkerdiş yeno kerdiş’

	 

	Gulbeyaz Mihçi zî reaksîyon nîşanê rewşe da û wina vat: “Barzanî bi serran o xîyanet kurdan rê keno, hemverê kurdan şer keno. Barzanî key bêro Anqara qirkerdiş yeno kerdiş. Gelo do dewleta Tirkî çi bido Barzanî. PKK tu wext zirar nêdano Barzanî, her tim destê aştîye derg kerdo. La Barzanî şer kerd. Wa êdî destê xo tutanê ma ra bianco.”

	 

	‘Wa nêro kayê Tirkan’

	 

	Gulbeyaze qiseykerdişê xo wina qedêna: “Ganî PDK nê şaşî ra fek vera bido. Wa paştdayîş nêdo Tirkîya. Wa PDK nêro kayê Tirkan û nê zilmî bido vindernayîş. Gelo wijdanê Barzanî reheto ke hemverê nê hêrişî de bêveng o. Barzanî kurd o la wayîrê  nasnameyê xo nêvejêno. Ma aştî wazenê. Ma nêwazenê kes bimiro.”