
Ber û pacayê bînaya HDPyî ya Cizîre ameyî şikinayîş 

2022-04-11 13:30:24


	&nbsp;

	ŞIRNEX - Sereştişê bînaya HDPyî ya Cizîre de ber û paca ameyî şikinayîş.

	&nbsp;

	Saetê serê sibayî de polîsan eşt serê Partîya Demokratîke ya Şaran (HDP) ê Cizîre ya Şirnexî. Cigêrayîşê ke serê siba dest pêkerd, dimayê çend saetan peynî bi. Sereştişê bînaya HDPyî de ber û paca ameyî şikinayîş û sewbîna bi tenîyê soba ber, paca û eşyayan sîya kerdî. Sewbîna çarçewaya fotografê Denîz Poyraz zî ameye şikinayîş.

	&nbsp;

	Heto bîn ra zî polîsan eşt serê xeylêk keyeyan û sereştiş de Esmer Çikmaz, Hemserekê HDPyî yê Cizîre Mesut Nart, Maruf Elîş, Osman Kuçuk, Şerîf Elçîoglu, Ahmet Benzer, Haci Dalmiş û Zelîha Yardak ameyî destbendkerdiş.

	&nbsp;

	Sebebê destbendkerdişan nêame zanayîş, kesê ke ameyî destbendkerdiş berdî Mudûrîyê Polîsan ê Cizîre.&nbsp;

	&nbsp;

	Ame dîyarkerdiş ke hûmara destbendkerdişan do zêde bibo.

	&nbsp;