Keyeyê Şenyaşarî: Zulmo tewr pîl ereymendişê edaletî yo 

2022-04-10 15:06:58


	 

	 

	RIHA - Keyeyê Şenyaşarî roja 398in de vat: “Riha de bêedaletîyêk pîl esto û zulmo tewr pîl ereymendişê edaletî yo.

	 

	Nobeta Edaletî ya Keyeyê Şenyaşarî roja 398in de dewam kerde. Keyeyê Şenyaşarî seba peynîya hewteyî yo û edliye padaye ya, nobeta ewro zî keyeyê xo yê Pirsûsî de kerd. Keyeyî serê hesabê xo yê Twitterî Wezîrê Edaletî Bekîr Bozdag û Walîyê Rihayî Abdullah Erîn û Serekkomar Erdogan etîket kerd û nê mesajî pare kerd: “Zêde lazimî bi vatiş çin o! Riha de bêedaletîyêk pîl esto û zulmo tewr pîl edaleto ke erey mendo yo.”