Bi destê kelepçekerde şîdet tepişteyan rê ame kerdiş 2022-04-09 16:01:08     AGIRÎ - Tedayê serê zîndana de dewam keno. Na rey zî Zîndanê Tîpê Lyê Patnosî de, gardiyanan dayî 3 tepişteyan ro. Ame neqlkerdiş ke bi pêrodayîşê gardiyanan milê di tepişteyan şikiyayo û serê înan de rêçe pêrodayîşî virazyayê.   Zîndanê Tîpê Lyê Patnosî, gardiyanan tepişteyanê bi nameyê Bîlal Babahan, Vedat Kalin û Ferît Kaşçi kuwa. Keyeyê tepişteyan ke şî pêvînayîşê înan, neql kerdî ke gardiyanan destê înan peyde kelepçe kerdo û dayê înan ro. Keyeyan neql kerd ke seba pêrodayîşê gardiyanan milê 2 tepişteyan şikîyayo û sereyê înan de rêçê pêrodayîşî virazyayê.