
Tepişte Mehmet Sevînç dinyaya xo bedilnaye 

2022-04-07 15:42:51


	&nbsp;

	&nbsp;

	MANÎSA - Mehmet Sevînço ke Zîndanê Akhîsarî yê Manîsa de gonîye şîya mezgê ci, dinyaya xo bedilnaye.

	&nbsp;

	Mehmet Sevînço ke 28 serrî yo zîndan de bi, Zîndanê Akhîsarî yê Manîsa de dinyaya xo bedilnaye. Ame îdîakerdene ke Mehmet şewa 3ê nîsane de hucreyê xo de hetê gardîyanan ra ameyo dîyene û hişê ci şibi.

	&nbsp;

	Cenazeya ci seba otopsî berdî nêweşxane

	&nbsp;

	Mehmet wedarîyabi Nêweşxaneyê Dewlete yê Mustafa Kîrazogluyî yê Akhîsarî û amelîyat bi. Keyeyê Sevînçî ra ewro saete 11.00 de leşkeran vat ke Sevînçî dinyaya xo bedilnayo. Cenazaya Mehmetî wedarîyaye otopsî.

	&nbsp;

	'Xebera mergê eydoktorî ney leşkerî danê'

	&nbsp;

	Kênaya Mehmetî Bêrîvan Sevînç agahîyî dayî Ajansê Mezopotamya û vat: "Înan babîyê mi eşt hucreyê yewkesî û kişt. Xebere zî nêdîyena ma. Ma nêzanenê ke o senî merdo û çi ameyo sereyê ci. Doktoran nê leşkeran xebera mergî daye ma."

	&nbsp;

	Serra 1992 de yeno tepiştiş

	&nbsp;

	Mehmet Sevînç (63) serra 1992 de Êlih de yeno tepiştiş û dima ra bi sebebê sîyasî cezaya muebedî ci rê yena dayîş. Mehmet heta nika zîndananê bajarê Êlih, Sêrt, Dîlok, Trabzon, Kandira de mendo. Tewr peyîn serra 2018 de ey sewqê Zîndanê Akhîsarî kenê. Keye bi sebebê pandemî di serrî bi nêşibi pêvînayîşê ci. Veradayîşê &nbsp;Mehmetî rê serrêke û nîm mendibi. O pîyê hîrê tutan o û keyeyê ci Kocaelî de ciwîyeno.

	&nbsp;