Kampanyaya 'Bi şitlêke wayîrê cuye vejî' 

2022-04-06 14:31:49


	 

	AMED - Ekolojîke Derya Akyol seba kampanyaya "Bi şitleke wayîrê cuye vejî' do seranserê Nîsane dewam bikero Tevgerê Ekolojî ya Mezopotamyaye, veng da û vat: "Ma her ca de daran ronê. Ma bi şitlêke wayîrê cuye vejênê."

	 

	Seranserê dinya de texrîbatê ekolojîk ekosîstem xira beno û têkoşînê pawitişê heqê xozayî zî hetê îqtîdarî ra yenê krîmînalîzekerdiş. Rojê vîyarte de rêziknameyê ke vernîya falîyetê wareyê zeytûnan akenê, bi qanûn û hemverê nê reaksîyonî dewam kenê. Tevgerê Ekolojî yê Mezopotamyaye kampanya ‘Bi şitleke wayîrê cuye vejîye' dayî destpêkerdiş û do seranserê menga Nîsane dewam bikero. Çarçewaya kampanya de vengdayîşê ramitişê daran ame kerdiş.

	 

	Tevgerê Ekolojî yê Mezopotamyaye na çarçewa de serê hesabê twîtterî de bi hashtaga#BirFidanlaYaşamaSahipÇık  kampanya da destpêkerdiş. Ekolojîke Derya Akyol derheqê kampanya de zanayîş da.

	 

	‘Ma waşt ke vernîya qirkerdişî padê'

	 

	Derya dîyar kerd ke seba vernîya krîzê ekolojîk yeno ciwîyayîş de vernî bigîrê kampanyayêke wina dayê destpêkerdiş û vat: "Bi ameyîşê AKPyî dir talanê xoza tewr giran bi. Verê zî talanêk pîl estbi. La bi AKPyî dir no tewr giran bi. Vernîya ci nîno girewtiş. Mêrgî, daristanî, wareyê ramitişî sermayedaran rê ame pêşkêşkerdiş.  Îkîzdereyî de seba Ocaxê kerran darî ameyî birnayîş. Heto bîn ra zî herra welatijan şîrketê elektîrîkî rê ame pêşkêşkerdiş. Nê talanî ameyî ciwîyayîş û nê dir daristanî veşayî. Seba ma vernîya qirkerdişî bigîrê ma kampanyayêke wina da destpêkerdiş."

	 

	‘Wazenê nê kulturî çin bikerê'

	 

	Derya dewam de wina vat: “Şewatê daristanan bi sebebê zirarêk pîl û xeylêk tewirê ganeyan zirar dî. Sere de Dêrsim û dima ra zî Ege û Akdenîz de dewam kerd. Daristanan tena hetê daran de meercnê. Eynî wextî de cayê ganeyan o.  Ekosîstemêke yo. Mengêke verê darê zeytûnan kok ra wedarnayî. Qerarê ke ameyo dayîş, kultur çin kenê. Serra vîyarte de Licê, Çewlîk, Elezîz, Şirnex de bi bahaneyê asayîşî daran veşnayî."

	 

	Darî ameyoxê ma yê

	 

	Derya tewr peyîn wina vat: “Ma çarçewaya kampanyaya ke seranserê Nîsane de dewam kena de wazenê daristananê xo bidê ciwîyayîş. Sere de deşta Mezopotamyaye, ma veng danê Tirkîya zî ke her ca de daran ronî. Ma bi darêke wayîrê cuye vejênê."