Keyeyê Şenyaşarî veng da selahîyetdaran: Wayîrê wijdanî bê 

2022-04-04 15:08:22


	 

	 

	RIHA - Emîne û Ferît Şenyaşar ke têkoşînê Nobeta Edaletî dewam kenê roja 391î de wina vatî: “Ma verê edliyeyê serdestan de veng selahîyetdaran kenê ke bi wijdan û adil bê. No çîyê ke şima kenê zulmî watayêr çîyêk bîn nîyo.”

	 

	Çalakîya Nobeta Edaletî ya keyeyê Şenyaşarî vernîya Edliyeyê Rihayî roja 392ine de dewam keno. Emîne û Ferît Şenyaşar sey her wextî saetê serê sibayî de keyeyê xo yê qezaya Pirsûsî de ameyî vernîya Edliyeyê Rihayî û dest bi çalakîya nobeta xo kerdî.

	 

	Keyeyê Şenyaşarî avûkat û welatîyê ke yenê edlîye derheqê têkoşînê xo yê edaletî agahdar kenê. Dadî û lajê ci di rojî yo vernîya awanîya edliyeyê fitara xo kenê û ewro roja hîrên de zî vernîya awanîya edliyeyî de fitara xo bikerê. Keyeyî serê hesabê xo ya medyaya dîjîtale de hesabê Waliyê Rihayê Abdûllah Erîn, Wezîrê Edaletî Bekîr Bozdag û serekkomarê AKPyî Tayîp Erdoganî etîket kerd û nê mesajî pare kerd: "Îslam paştdayîş o. Remezan parekerdiş o. Ma vernîya edliyeyî serdestan de veng danê selahîyetdaran ke  bi wijdan û adil bê. Nê çîyê ke kenê zilmî wetayêr çîyêk nîno.”