Çalakîya Keyeyê Şenyaşarî 389 rojî yo dewam kena  

2022-04-01 12:38:23


	 

	RIHA - Çalakîya "Nobeta Edaletî" ya Keyeyê Şenyaşarî 389 rojî yo dewam kena. Keyeyî dîyar kerd ke çîyo pîroz, cuyêka birûmet û adilane ya.

	 

	Merdim û pawitoxê parlamenterê AKPyî Îbrahîm Halîl Yildiz 14ê hezîrana serra 2018ine de Pirsûsê Rihayî de hêrişê dikanê keyeyê Şenyaşarî kerd. Hêriş de mêrde û 2 lajê dadîya Emîne Şenyaşar ameyî kiştiş û lajê ci Ferît Şenyaşar zî bi birîndarî xilas bi. Seba tepiştiş û muhakemekerdişê kiştoxan, 9ê adara 2021 de pêwa lajê xo Ferît Şenyaşar, vernîya Edliyeyê Rihayî dest bi çalakîya Nobeta Edaletî kerd. 

	 

	Keyeyî serê hesabê xo yê medyaya komelî de hesabê waliyê Rihayî Abdullah Erîn, Serekkomarê AKPyî Tayyîp Erdogan û Wezîrê Edaletî Bekir Bozdag etîket kerd û no mesaj pare kerd: “Çîyo pîroz, ciwîyayîş nîyo. Seba cuyêka birûmet û adilane ma edalet wazenê. Bêvengî, şirîkbîyayîşê zulmî yo.”