‘Hemverê xîyanetî ganî yewbîyayîş bêro kerdiş'  

2022-03-31 09:36:42


	 

	 

	Rojda Aydin

	 

	ŞIRNEX - Cinîyê Şirnexî, reaksîyon hemverê plansazgehê hempar ê Anqara  û Hewlerî dayî û vatî: "PDK, wa dişminîyê şarê xo nêkero. Ewro dorê ma bo, siba dorê ey ya. Êdî hemverê xîyanetî yewbîyayîşê kurdan hewce keno."

	 

	Bi coşêkê pîl Newroza 2022yîne ameye pîrozkerdiş. Pîrozkerdiş de tewr zêde mesajê yewbîyayîşê neteweyî vejîyayî vernî. Pêwa mesajê ke ameyî dayîş, planê hempar yê Anqara û Hewlerî zî  dîyar bî. Goreyê xebera medyaya Herêma Federal a Kurdistanî û çimeyê herêmî, Artêşa Tirkî bi beşdarîya hêzê leşkerî yê Partîya Demokratîke ya Kurdistanî (PDK) hêrişêk newe plan keno. No plansazîyê ke yeno kerdiş, mîyanê rayaumumî de yeno munaqeşekerdiş û sewbîna no plan bi cayê fikar û nêrazîbîyayîşî. Sazgeh û rêxistinê sivîl û partîyê sîyasî bi çalakîyê xo endîşeyê xo anê ziwan. Cinîyê Şirnexî zî reaksîyon vera nê ramojnayî û fikrê xo ajansê ma rê pare kerdî.

	 

	'Ganî kurdî bêveng nêbê'

	 

	Halîme Temel, destpêkê qiseykerdişê xo de veng da şarî ke hemverê xîyanetî bibê yew û vat: "Ma nêzdîbîyayîşê PDKyê Barzanî tu wext qebûl nêkenê. Barzanî seba menfeatê xo pey dewleta tirkî de vindeno. Barzanî paştdayîş nêdano kurdanê xo, dişminîyê şarê xo keno. Barzanî bi xo zî kurd o. Ma nêzanê çira nê dişminî wayê û birayê xo keno. Ganî rayîrê şaşî ra agêrê. Kezeba dadîyan veşenaç Dadî her wext hetgirê edalet, aştî û têduştî bî. Zerrîya ma dadîyan veşena. Ganî Şarê Kurdî bêveng nêmanê û serê lingan de bê. Ganî ma rayîr vernîya Barzanî de bigîrê û destûr nêdê ke xîyanet bi ma kurdan bikero.”

	 

	'Wa dişminîyê wayê û birayê xo nêkero'

	 

	Hatûn Borak, reaksîyon vera helwestê PDKyî ramojna û vat: "PDK xîyanet şarê Kurdî rê keno û ez nê dişminîyê Barzanî yê hemverê kurdan şermezar kena. Barzanî çira paştdayîşê dişminî keno. Barzanî bawerîya xo Erdoganî rê ano.  Gelo Barzanî çira dişminîyê kurdan keno? Demê Saddamî de demo ke hêriş înan rê ame kerdiş, reyna kurdî wayîrê înan vejîyayî. Gelo Barzanî ewro çira birayê xo roşeno. Barzanî ewro nê çî ma rê keno, dewlete zî do bîyaro sereyê înan. PDK, wa fek dişminîyê şarê xo vera bido. Barzanî bi destê xo birayê xo kişeno. Barzanî xîyanet şarê Kurdî keno. Dadî bi xoverdayîş eşkenê nê şerî bidê vindarnayîş. Dewleta tirkî, PDKyî xapênena. KDP zî yeno hêrişê şarê xo keno û cenazeya şarê xo teslîmê keyeyan nêkeno. Ma kurdî şer, dişminî û kiştiş nêwazenê. Ganî ma kurdî yewbîyayîşê xo awan bikerê.  Êdî bes o, wa dadî nêbermê."

	 

	'PDK wa xîyanetê şarê xo nêkero'

	 

	Halîme Dursun zî vat, şer de tewr zêde zerrîya dadîyan veşêna û vat: "Zerrîya ma dadîyan her roje veşêna. Ma dadî tim aştî û azadî wazenê. Waştişê ma oyo ke no şer û zulm peynî bibo. PDK xîyanet bi şarê xo dir keno. Bi dişminê kurdan dir kewto mîyanê hemkarî. Ganî ma kurdî yewbînan bipawê. Eke ma paştdayîşê xo nêkerê, do tu kes paştdayîşê ma nêkero. Demê Saddamî de çîyê ke ameyîne ciwîyayîş dadî û pîyê ma bermayîne. Seba nê çîyê ke Barzanî ewro keno zerrîya ma veşneno. Kurdê ma yê Iraqî wa a rojan bîyarê vîrê xo."

	 

	'Ewro dora ma ya siba dora ey ya!..'

	 

	Halîme, tewr peyîn wina vat: "Bi serkêşîym PDKyî, dewleta tirkî koyanê Kurdistanî bi çekê kîmyewî hêriş keno û veşneno. Wazenê herre û kpyanê şarê ma çin bikerê. Heqê tu kesî çin o ke bi kîmyasal hêriş bikerê. Ez reyke bîn vengdayîş kena wa Barzanî fek dişminî ra vera bido. Barzanî wa bîyaro xo vîr o zî kurd o. Ewro dora ma, siba dora eyî ya. Ganî ma kurdî û dadî bibê yew û hemverê şerî wurzê serê lingan."