
Emîne Şenyaşar: Dinya eşnawit la serekkomarî nêeşnawit 

2022-03-30 15:18:54


	&nbsp;

	RIHA - Çalakîya Nobeta Edaletî ya Keyeyê Şenyaşarî dewam kena. Keyeyî da zanayîş ke heme dinya hewara dadîya Emîne eşnawit la bi tu rengî nêeşkena vengê xo biresno serekkomarî.

	&nbsp;

	Merdim û pawitişê parlamenterê AKPyî Îbrahîm Halîl Yildiz 14ê hezîrana serra 2018in de Pirsûsê Rihayî de hêrişê dikanê keyeyê Şenyaşarî kerd. Hêriş de mêrde û 2 lajê dadîya Emîne Şenyaşar ameyî kiştiş û lajê ci Ferît Şenyaşar zî bi birîndarî xelas bi. Seba tepiştiş û muhakemekerdişê kiştoxan, 9ê adara 2021 de pêwa lajê xo Ferît Şenyaşar, vernîya Edliyeyê Rihayî de dest bi çalakîya Nobeta Edaletî kerd. Çalakî roja 387 de z, dewam kerd. Dadîya Emîne nêweş bî beşdarê nobeta ewro nêbî la Ferît Şenyaşar çalakî dewam kerd.

	&nbsp;

	Keyeyî serê hesabê xo yê medyaya komelî de pare kerd û vat: "Kesê ke tut û mêrdeyê na dadîye qetil kerd, xo pey paşta Recep Tayyîp Erdoganî de niminenê. Coka bi 387 rojî yo na dadîye verê berê edliye de qîrena. Heme dinya hewarê na dadîye eşnawit. La na dadîye se kerd nê kerd nêeşka vengê xo biresno serekkomarî..."

	&nbsp;