
‘Nobeta Edaletî’ ya Keyeyê Şenyaşarî 385 rojî yo dewam kena 

2022-03-28 14:34:59


	&nbsp;

	RIHA - Çalakîya 'Nobeta Edaletî' ya Keyeyê Şenyaşarî 385 rojî yo domnena. Keyeyî dîyar kerd ke do waştişê xo yê edaletî bidomnê.&nbsp;

	&nbsp;

	14ê Hezîrane ya serra 2018ine de merdim û pawitoxê Parlementerê AKPyî &nbsp;Îbrahîm Halîl Yildiz Pirsûsî ya Rihayî de &nbsp;hêrişê dikanê keyeyê Şenyaşarî kerdî. Di hêriş de mêrde û 2 lajê Emîne Şenyaşare ameyî qetilkerdiş û lajê aye Ferît Şenyaşarî zî bi birîndarî xelesîyabî. Dadîya Emîne Şenyaşare seba ke qatilê keyeyê aye bêrê tepiştişî û &nbsp;lajê aye Fadil Şenyaşar zî bêro veradayîş, 9ê Adare ya 2021î de pêwa lajê xo Ferît Şenyaşarî &nbsp;verê berê Edlîyeyî Rihayî de dest bi &nbsp;Nobeta Edaletî kerd. Çalakîya înan di roja 385ine de dewam kerd. Vera ke Emîne Şenyaşare &nbsp;nêweşe bî, nêeşka ewro tewirê çalakîye bibo û nobeta xo, keyeyê xo yê Pirsûsî de domna.&nbsp;

	&nbsp;

	Ferît Şenyaşarî dîyar kerd ke heta edalet bêro ca, do verê berê edlîyeyî ra nêşêrê.&nbsp;

	&nbsp;

	Têkilîya babete, keyeyî serê hesabê xo yê medyaya komelkî &nbsp;de bi no mesaj pare kerd: "Sirr û seqemê zimistanî de zî ma fek waştişê xo yê edaletî ra vera nêda. Nayo hamnanêke bîn zî ame. Waştîşê ma yê însanî û huqûqîyî apey de mefînê! Ro edalet yeno gêrayîş."

	&nbsp;