Tepişteyêko bîn o nêweş dinyaya xo bedilna 

2022-03-24 15:09:54


	 

	AMED - Tepişteyo nêweş o 80 serre Abdûllah Boran ke 26 serrî yo zîndan de bi, nêweşxaneyê ke ci de tedawî dîne, dinyaya xo bedilna.

	 

	Tepişteyo bi nêweşîya kanserî kewtibi nêweşîya kanserî Abdûllah Boran 80 serre bi Zîndanê Tîpê Dyê Amedî de ameyîne tepiştiş, Nêweşxaneyê Perwerde û Cigêrayîşê yê Gazî Yaşargîlî de dinyaya xo bedilna. Serê xeberdarî keye şi nêweşxane û cenazeya Abdullah girewt û berd qezaya Bismilî. Cenazeya Abdullah dewa Tezekanî ya qeza de ame definkerdiş. Îdarekarê HDP û DBPyî yê Amedî û xeylêk kesî tewrê merasîmê cenazeya Abdullahî bî.

	 

	Ame dîyarkerdiş ke Abdullah, serra 1997ine de bi sûcdarîyê "xirakerdişê yewîye û yewparebîyayîşê dewlete" de ameyo tepiştiş û cezaya muebbetî ci rê amebî dayîş. Ame diyarkerdiş ke Abdullah 26 serrî zîndan de bi û vernîya di serran bi kanserê kolonî kewto û 7 mengî bi ke Nêweşxaneyê Perwerde û Cigêrayîşî yê Gazî Yaşargîlî destê ci kelemçekerde ameyo tedawîkerdiş.