Wa dêsê tecrîdî birijîyê

2022-03-22 13:52:04


	 

	 

	Marta Somek

	 

	STENBOL - Hemseraka HDKyî Esengul Demîr Newroza Stenbolî û mesajê ke ware de ameyî dayîş erjna û wina vat: “Şarê ma bi hawayêke xurt cewab da serdestan û îqtîdarî. Şar bi hawayêke zelal helwestê hemverê tecrîd û nêzdîbîyayîşê hemverê Birêz Ocalan nîşan da. Bi sloganan waştişê xo ardî ziwan.”

	 

	Newroza Stenbolî ke bi sloganê ‘Dem demê serkewtişî yo’ Meydanê Yenîkapiyî de bi coşêk pîl ame pîrozkerdiş. Newroza Stenbolî ke ‘Baxçeyê şaran’ ame erjnayîş, her het ra şar beşdar bi. Kurd, ermenî, laz, çerkez, tirk û sewbîna karker, kedkar, cinî û ciwanî beşdar bî.

	 

	Vervatoxa HDKyî Esengul Demîr derheqê Newroza 2022yîne ê Stenbolî de ajansê ma rê erjnayîş kerd û bi dîyar kerd ke bi se hezaran kesî azadîya fîzîkî ya Rayberê PKKyî Abdullah Ocalanî bi yew vengî qîr kerdî.

	 

	‘Bi se hezaran cewabê tewr xurt dayî’

	 

	Esengule wina bale ant serê mesajê Newroze û vat: “Ma vatibi do wareyê kede, wareyê cinî û heme kesê ke têkoşîn hawirdor kenê do nê wareyî bêrê têhet û bibê hêz. Şaran Newroza Stenbolî de mesajêk zaf xurt dayî. Cewab dayî îqtîdar û hêzê serdest. Bi se hezaran kesî ameyî têhet. Pêwa şert û mercê hewa cinî, tut û ciwanan verê xo dayî wareyan.”

	 

	Esengule vat, têkoşînê şaran ke pêl bi pêl Newroze de herikya qat bi qat xurt bîyo û wina vat: “Cewabê ke şarî dayo nê ramojneno. Têkoşînê şarî nêeşkeno bêro astengkerdiş. Têkoşînê kede nêeşkeno bêro astengkerdiş. Pêwa heme teda û zordariyan şar pêl bi pêl sey çemê ke biherikyo behre ameyî ware. Do têkoşînê demokratîk zî bi no hawa pîl bikerê. Ma spasîyê xo seba heme şaran kenê.”

	 

	‘Şar wayîrê serekî vejîya’

	 

	Esengule tewr peyîn wina vat: “Şar bi hawayêke zelal helwestê xo yê hemverê tecrîdî nîşan dayo. Bi sloganan reaksîyonê xo yê hemverê qedexeyê serê Birêz Ocalanî nîşan dayî. Şar wayîrê rayberê xo vejîya. No zî bi zelalî ramojna. Waştişê şarî tena do Newroze de ney, do her wext her ware de dewam bikero. Do waştişê rijnayîşê dêsê tecrîdş her tim dewam bikero.”