
Xarpêtijan qedexe nas nêkerd û Newroze pîroz kerd 

2022-03-20 15:49:25


	&nbsp;

	&nbsp;

	&nbsp;

	XARPÊT - Xarpêt de rixmê qedexeyê Newroze şarî verê banê HDPyî de govende girewte. Gulîstane Kiliç Koçyigita ke tîya qisey kerd vat: “Şima kamê ke ma rê Newroze qedexe kenê? Eke şima vanê qey pê qedexeyan eşqê ma çîn kenê, şima zaf xelitîyenê.”

	&nbsp;

	Rêxistina Partîya Demokratîke ya Şaran (HDP) ya Xarpêtî waşt Meydanê Îstasyonî de Newroze pîroz bikero la walîtîye destûr nêda. Naye ser o partîyijan verê banê xo de eşkerayîye daye. Parlementera &nbsp;HDPyî ya Mûşî Gulîstan Kiliç Koçyigite zî tewrê eşkerayîye bîye.

	&nbsp;

	Hemserekê HDPyî yê Bajarî Ali Yidirimî vera qedexeyê hêrsê xo ard ziwan û vat: “Ma do sey kawayan xover bidê. Ma nê qedexeyî qebûl nêkenê. Ma do tim têkoşîn bikerê.”

	Gulîstan Kiliç Koçyigite zî vat: “Şima kamê ke ma rê Newroze qedexe kenê? Waştişê walîtîye çîyo? Çîyo ke zorê walî bêrehet keno çîyo? Ewro Kurdîstan û Rojhilatê Mîyanênî de semedê sereweratişê mazlûman adirê Newroze yeno tavistene. Eke şima vanê qey pê astenkerdişan û qedexeyan eşqê ma çîn kenê, şima zaf xelitîyenê. Şima şarê ma qetil kerd la nêeşkayî nasname, roşan û kulturanê ci ra raqilnê. Ewro bi mîlyonan ma kuçeyan de yê.”

	&nbsp;

	Badê qiseykerdişan bi tîlîlî û çepikan govende ameye girewtene. &nbsp;

	&nbsp;