
Zîndanê Bakirkoyî de eştî serê qawişan 

2022-03-19 14:37:37


	&nbsp;

	&nbsp;

	MERKEZÊ XEBERAN - Esma Başkale ke Zîndanê Cinîyan ê Bakirkoyî de yena tepiştiş, dîyar kerd ke gardîyanan înan ra vato, ma nêrehetî nêdanê şima, eştê serê qawişê înan û ê bi mergî tehdîd kerdê.

	&nbsp;

	Melek Başkale dîyar kerd ke waya ci vizêr bi telefon înan gêraya û neql kerda ke gardiyanan binê nameyê “cigêrayîşî” de eştê serê odayanê înan.

	&nbsp;

	Kitaban dirnayê

	&nbsp;

	Meleke, vat, 15 ra zêdeyêr gardîyan eşto serê odaya waya ci û vat: "Ma rehetî nêdanê şima. Ma do hewteyêk ra reyke ney, her roje bierzê serê qawişa şima." Meleke vat, gardîyanî bi solan şîyê serê masayê tepişteyan û çîyê înan vila kerdê. Meleke, vat, gardîyanan bi “merdiş” tepişteyan tehdîd kerdê. Waya mi vat, înan sereştişê qawişan yê binê nameyê "cigêrayîşî" de qebûl nêkenê û dîyar kerd ke nê sereştişî açaryayê operasyonan. Gardîyanî mudaxaleyê fîzîkî zî kenê û kitabê tepişteyan dirnenê."

	&nbsp;

	'Ma polîtîkayê înan yê zordest qebûl nêkenê'

	&nbsp;

	Meleke, dîyar kerd ke vernîya Newroze zîndanan de polîtîkayêke bi zanebîyayîş yena kerdiş û vat: "Seba nê bi nê nameyî tepişteyî kewtê pawitiş. Vatî ke nê polîtîkayê înan yê zordarî qetî qebûl nêkenê. Waya mi vat ke çîyêk qij zî beno, derheqê înan de cipersayîş akenê û cezaya dîsîplînî danê înan. Pêwa na rewşe mudurê yewin û diyîn yê zîndanî rê pare kerdê zî cewab nêgirewtê û îdarekarî teda bi înan keno."

	&nbsp;

	Meleke, dîyar kerd ke sey keye ê bi xo zî na rewşe ra aciz ê, nê tedayan qebûl nêkenê û vengdayîşê hîsgêrî raya umumî rê kerd.

	&nbsp;

	&nbsp;

	&nbsp;