‘Nobeta Edaletî’ ya Keyeyê Şenyaşarî 375 rojî yo dewam kena  

2022-03-18 15:46:09


	 

	RIHA - Çalakîya "Nobeta Adaletî" ya Keyeyê Şenyaşarî 375 rojî yo dewam kena û ewro no mesaj ame dayîş: "Ma do teslîmê tersî nêbi."

	 

	14ê hezîrana 2018ine de merdim û pawitoxê Parlamenterê AKPyî Îbrahîm Halîl Yildiz hêrişê serê kargeha Keyeyê Şenyaşarî kerdî û nê hêrişê de 5 ferdê keyeyî birîndar kerdibî û kesê birîndarî wedarnabî Nêweşxaneyê pirsûsî. La hêrişê nêweşxaneyî dewam kerd û Merdimê Îbrahîm Halî Yildizê AKPyî uca di lajê Emîne Şenyaşar Celal û Adil yê bi giranî birîndar bî kiştibî. Mêrdeyê Emîne, Hecî Esvet Şenyaşar zî gama ke seba aqûbetê tutanê xo bimuso, şibi nêweşxane û verê çimanê aye de kiştibî. Seba ke edalet bi ca bêro Emîne Şenyaşar û lajê ci Ferît Şenyaşar, 9ê Adara 2021 de verê Edliyeyê Rihayî dest bi çalakiya "Nobeta Edaletî" kerdibî. Emîne Şenyaşar, seba ke nêweşe bî, tewrê nobete nêbî. Ferît Şenyaşar tewrê nobete bî, Nobeta Edaletî 375 rojî yo dewam kena.

	 

	Keyeyî sey rojê verê serê hesabê xo yê Twîtterî de wina vat: “Hewldayîş û têkoşîn hêvî awan kena. Ma hêvîdar ê seba ke vernîya Edliyeyê Rihayî 375 rojî yo ma seba heqî têkşîn kenê û bi milyonan kes wayîrê na çalakî vejênê. Ma teslîmî tersî nêbê!”