Dadgehe 6 serrî û 3 mengî ceza Dadîye Aştîye rê da

2022-03-17 14:52:56


	 

	 

	AMED - 6 serrî û 3 mengî ceza Dadîya Aştîye Meryem Soylu ke 79 serrî ya, ameye dayîş.

	 

	Dadîya Aştîye Meryem Soylû (79) cipersayîşê serê Komeleya Kultur, Yewbîyayîşê, Paştdayîşê, Alîkarî û Keyeyê Merdimê Xo Dergûşê Şaristanî de Vînî Kerdê (MEBYA-DER) yena muhakemekerdiş. Roniştişê dewaya Meryeme de qerar vejîya. Roniştişê 4ine dewaya Meryeme ke bi îdiayê “endamîya rêxistine” nêtepişte ameyîne muhakemekerdiş, 5in Dadgeha Cezaya Giran ya Amedî de ame kerdiş. Meryeme beşdar nêbî û Muhîttîn Muguç roniştiş de amade bi. 

	 

	Heyetê dadgehe ke amebi vurnayîş,  zabitê verê xo wend û roniştiş dest pêkerd. Dozgerî mutalayê xo pêşkêş kerd. Dozgerî îdia kerd ke Meryeme endam û îdarekara MEBYA-DERî mîyanê xebatê Kongreya Cinîyan ê Azadan (KJA) ke amebî padayîş de sey “kadro” xebityayaç Sewbîna dozgerî beşdarbîyayîşê Meryeme yê şînê endamê PKKyî û eşkerayîyan zî sey “sûc” dî. Dozgerî waşt ke seba  sûcê “endamîya rêxistine” Meryeme bêro cezakerdiş. 

	 

	Avûkat Muhîttîn Muguç îtîrazê mutalayê dozgerî kerd û vat, çîyê ke  dozgerî îdia keno tu delîlêkê înan dosya de çin o û tewrbîyayîşê eşkerayîyan ê muwekîla ci çarçewaya azadîye de yo û waşt ke muwekîla ci bêro beraetkerdiş

	 

	Heyetê dadgehe qerarê xo eşkera kerd û bi dayîşê xeylê rayan bi  bi îdiayç “endamîya rêxistine” 6 serrî û 3 mengî cezaya hepsî Meryeme rê da. Dadgeha ke ceza da fermanê tepiştişî nêda û qerar da ke mîyanê hewteyêke de îtîrazê hukmê ameyo dayîş, bêro kerdiş.