Cinîyan vengdayîşê beşdarbîyayîşê Newroze kerd: Do Newroza 2022ine bibo Newroza serewedaritişî 

2022-03-15 14:22:24


	 

	ANQARA - Seba Newroze do bi ruhêkê serwedarte Anitpark de bêro  pîrozkerdiş cinîyan vengdayîşê tewrbîyayîşî kerd û wina vatî: "Sere de Kurdistan de her wareyê Tirkîya de pêwa pêro tedayan Newroza 2022ine do bibo Newroza serewedaritişêk pîl."

	 

	Newroza ke seba kurdan sembolê serewedaritişî ya tay mend. Vakur û Tirkîya de plansazîyê Newroze dîyar bî û amadekarî zî bi coşêke pîl yenê kerdiş. Hêzê Demokrasî û Kede derheqê mîtîngê Newroze ya do 20ê Adarê saete 13.00ine de Anitparkê Anqara de bêro kerdiş, vengdayîşê beşdarbîyayîşî kerdî.

	 

	'Ma do bi heme rengê xo meydanê Newroze de bê'

	 

	Hemseraka Partîya Demokratîke ya Şaran (HDP) Pakize Sinemilioglu, dîyar kerd ke bi sloganê, "Dem demê serkewtişî yo" do Newroza 2022 pîroz bikerê û wina vat: "Ma xo amade kenê ke adirê Newroze her cayê Kurdistan û Tirkîya de bi coşêke pîl pîroz bikerê. Sey her ca ma do Anqara de zî adirê Newroze gur bikerê. Ma veng danê şarî ke hemverê faşîzmî sere wedarnê û  adirê Newroze gur bikerê. Ma do bi heme rengê xo û coşê xo wareyê  Newroze de bê. Cinî bi vatişê xo kuçeyan de bî û do Newroze de zî bi eynî coşe heme şar wareyê Newroze de bo. Do Newroza 2022yîne bibo Newroza serewedaritişî. Seba ke cinîyê tepişteyî bêrê veradayîş û hemverê qirkerdişê cinî û seba edalet bi ca bêro ma şarî dawetê meydananê Newroze kenê."

	 

	Vengdayîşê tewrbîyayîşê Newroze

	 

	Endama Hêzê Têkoşînê Yewbîyaye (BMG) Zarîfe Kamala vat hemverê hêrişê dewlete yê vera karker, kedkar, şaran Newroze sembolê serewedaritişê pîlî ya û vat: "Cinîyan  8ê Adare bi coşêke pîl pîroz kerd. Serewedaritişê cinîyan îradeyê hemverê îqtîdarî de yo vano bes o. No îrade do Newroze de zî xo ramojno. Hêrsê şaran ê hemverê  kaşkerdişê ver bi întiharî yê Garibe Gezer, tepiştişê Aysel Tugluk, zêde beno. Coka ma bi sloganê, 'Ma bibê yew ma do bi ser bikewê' heme kesî dawetê meydanê Newroze kenê."