
Keyeyê Şenyaşarî: Ma do nê bêhuqûqî her ca de qal bikerê

2022-03-12 15:14:10


	&nbsp;

	RIHA - "Nobeta Edaletî" ya Emîne û Ferît Şenyaşar ke verê Edlîyeyê Rihayî de roja 369 de dewam keno. Emîne û Ferît wina vat: "Ma do nê bêhuqûqî her ca de qal bikerê."

	&nbsp;

	Merdim û pawitoxê parlamenterê AKPyî Îbrahîm Halîl Yildiz 14ê hezîrana serra 2018ine de hêrişê dikanê keyeyê Şenyaşarî yê Pirsûsî kerd. Hêriş de mêrdeyê dadîya Emîne Şenyaşar û di lajê aye ameyî &nbsp;qetilkerdiş. Lajê ci Ferît Şenyaşar zî qirkerdiş bi birîndarî xelas bi. Seba tepiştiş û muhakemekerdişê kiştoxan û veradayîşê Fadil Şenyaşar, dadîya Emîne Şenyaşar û lajê xo Ferît Şenyaşar 9ê adara 2021 de verê Edliyeyê Rihayî dest bi çalakîya Nobeta Edaletî kerdî. Çalakîya keyeyê roja 369in de dewam kerd.

	&nbsp;

	Rojê betlaneyî de berê edliye padaye yo coka zî keyeyê Şenyaşarî çalakîya xo keyeyê xo de kerd û medyaya dîjîtale de zî wina vat: “Serdestê ke welat îdare kenê, nêwazenê ke komel zana bibo, qisey bikero û bikewo mîyanê tevger. Nêweşxane de qirkerdişêk &nbsp;keyeyê ma rê kerdî. Kerdoxê qirkerdişî hetê îqtîdarî ra yenê pawitiş. Heta ke edalet bi ca yeno, ma do bêveng nêmanê. Ma do nê bêhuqûqî her ca de qal bikerê."

	&nbsp;