
KBG seba tepişteyê cinîyan ê nêweşan kewte tevger 

2022-03-12 14:36:27


	&nbsp;

	STENBOL - Cinî bi Pîya bi Hez ê, seba tepişteyê cinîyan ê nêweşan hewteyê vîyarte de kampanya dayî destpêkerdiş û çarçewaya kampanyayî de ame dîyar kerdiş ke do ameyox de çalakî û bernameyê cîya bikerê.

	&nbsp;

	Cinî Pîya bi hêz ê (KBG) hewteyê vîyarte de zîndanê Cinîyan ê Bakirkoyî de eşkerayîyêke dayî çapemenîye û eşkerayî de startê kampanyaya "zîndanan de hemverê şîdetê dewlete yê camêrdan cinî pîya bi hez ê" dayî. KBG bi na kampanya hedef kena ke bale biancê serê rewşa tepişteyê cinîyan ê nêweşan û seba ke bêrê veradayîş selahîyetdarî bikewê tevger û polîtîkayê dewlete bêrê teşhîrkerdiş.

	&nbsp;

	KBG ra Îrem Gerkuş derheqê kampanya de zanayîş da û dîyar kerd ke vernîya ke bikewê serra 2022yî seba bale biancê serê rewşa tepişteyê nêweşan û binpaykerdişê heqan çalakî kerdê. Îreme vat, şexsê sîyasetmedara Kurde Aysel Tugluk de rewşa tepişteyê nêweşan rojeve de ya û dîyar kerd ke tepişteya bi nameyê Garîbe Gezer ke zîndanê Tîpa Fyê Hûmar 1ê Kandirayî dinyaya xo bedilnaye dima verê Operaya Surreya ya Kadikoyî de çalakî kerdê

	&nbsp;

	Fikrê kampanya forum de bimetod bi

	&nbsp;

	Îreme dewam de wina vat: “Fikrê kampanya netîceyê forumê ma kerd de vejîya werte. Ma mabêne xo de munaqeşe kerd. Çiqas xebera ma zere ra bibo zî, çiqas xebera tepişteyan tebera estbî. Çîyê ke ma tespît kerdibî bî. Serê nê de ma forumêk kerd. Rewşa zîndanan bi taybetî îstîsmarê cinsî, tacîzê cinsî, &nbsp;îzolasyon bi pandemî dir tewr giran bi. Yanî bi bahaneyê pandemî dir qedexe û binpaykerdişî, cipersayîşê dîsîplîn, ameyî kerdiş û cuya tenge tewr zêde kerdî teng. Ma nê forumî de qerarê kampanya girewt"

	&nbsp;

	Rojê ameyox de do çalakî dest pêbikerê

	&nbsp;

	Îreme wina qal kerd: “Forum de rewşa cinîyê ke xebera înan çinbîya zî ameyî munaqeşekerdiş. Xeylê kesan xebera înan çin a. Ma înan dir paştdayîş bikerê û do çalakîyê ma zî dewam bikerê. Derheqê paştdayîşê ma bi embazanê xo yê tepişteyan dir bikerê, hîn çalakî bêrê kerdiş. Ma do çalakîyê ke rayaumumî xeberdar kenê zî prosesê ameyox de bikerê."

	&nbsp;

	‘Helwestêk kêfî û polîtîk’

	&nbsp;

	Îreme dewam de wina bale ant ser: “Ma sey KBG zî tewrê kampanyaya ‘Seba Aysele 1000 cinî’ bî. No demêke derg o seba Aysel bêro veradayîş ma veng dayî ATK, wezaretê Dadgehe, Midûriyetê Pêroyî yê Zîndanan. Nê nêzdîbîyayîşê kêfî û polîtik ê. Ê îşkence Aysel Tugluk rê kenê û ganî peynîya nê çî bêro. Ma her wext veng danê. Ma veng danê heme baro, rêxistinanê heqê merdiman û &nbsp;rêxistinanê komelî û rayaumumî ke na babete de paştdayîş de bê û seba nê zî do çalakî û vengdayîşê ma dewam bikerê."

	&nbsp;

	‘Ganî ma tewr zêde bibê veng'

	&nbsp;

	Îreme tewr peyîn wina vat: “Ma do bi embazanê xo dir her tim bi paştdayîş de bê û bibê vengê înan. Ma do serewedaritiş û têkoşînê xo yê hemverê hemkarê sucî de dewam bikerê. Ma veng danê heme kesî ke verê ma de ca bigîrê. Wa paştdayîş bidê kampanyaya ma."

	&nbsp;

	&nbsp;