Dêrsim de coşê 8ê Adare 

2022-03-08 13:50:10


	 

	DÊRSIM - Bi seyan cinîyê ke Kuçeyê Hunerî yê Dêrsimî de ameyî têhet, bi lîrnayîş ver bi Meydanê Seyîd Riza rayrayîş kerd. Pîrozbayîyê cinîyan ê bi coş dewam keno. 

	 

	Platformê Cinîyan ê Dêrsimî bi sloganê, "Hemverê feqîrî, bêtêduştî, şîdet, şer ver bi têkoşînê rêxistinkerde yê” Meydanê Seyîd Riza 8ê Adare Roja Cinîyan ê Dinya pîroz kenê. Cinî saetê serê sibayî de ameyî Kuçeyê Hunerî dowizê bi nuşteyî "Cinîyanê tepişteyan rê azadî", “Cinî wareyê cinîyan a”, "Hemverê xespê kede ma bi rêxistin ê”, "Hemverê îqtîdarê camêrdan ma serê lingan de yê", "Hemverê polîtîkayê bêcezaverdayîşî ver bi têkoşînî rê" û fotografê Aysel Tugluka tepiştî û Semra Guzel ke parlamenterîya ci ameye fînayîş ameyî berzkerdiş. 

	 

	Cinîyan bi lîrnayîş û bi def û zirna govende kerdî, sloganê "Cinî ciwîyayîş azadî", “Biciwîyo têkoşînê cinîyan", “Ma bêveng nêmanê, sere nêtewenê" berz kerdî. Dima ra cinî bi girseyî ver bi Meydanê Seyîd Riza rayrayîş kerdî. Bernameyê 8ê Adare yê cinîyan bi qiseykerdişan dewam keno.