Sultan Yildiztana Mexmûrije: Organîzebîyayîşê ma yewîya ma awan keno

2022-03-08 09:35:41


	 

	Qeder Kar

	 

	MEXMÛR - Vervatoxa Komîteya Keyeyê Şehîdan ê Wargehê Multecîyan ê Mexmûrî Sultan Yildiztan, eşkera kerd ke heta ke merdim bedel nêdo nêreseno amanc û serkewtişî û vat: "Wexto organîzebîyayîş û sazgehbîyayîş çinî bo, o wext ma do yewbînî ra vila bibê, no sazgehbîyayîş û têreyde karkerdiş beno sebebê ke ma bi serran xover bidê û xoverdayîşê  ma pîl bikero." 

	 

	Ciwîyayîşo ke Wargehê Multecîyan ê Şehîd Rustem Cûdî de ameyo awankerdiş bîyo fînakek.  Seba awankerdişê sîstemê ciwîyayîşo newe xeylêk bedelî ameyî dayîş. Tîya de bi xêrê organîzebîyayîşî her qismî ra ciwîye organîze bî. Pêwa ambargo, hêriş û polîtîkayê hukmatê Anqara, Bexdat û Hewlêrî, bi rik xover danê. Vervatoxa Komîteya Keyeyê Şehîdan Sultan Yildiztan, bi serran mîyanê kar û xebatan de ca girewta ajansê ma rê qalê organîzebîyayîşê wargehî kerd. 

	 

	 ‘Dûrkewtişê herd û welatê xo ra…’

	 

	Sultane destpêkerdişê qiseyanê xo de roja 8ê Adare ro Rayberê PKKyî Abdullah Ocalanî rê, heme dadîyanê pakrewanan rê û cinîyanê wargehe rê pîroz kerd. Sultane dergîya qiseyanê xo de wina qalê multecîyî kerd: "Wexto merdim vano multecîyî xeylêk tewirê ci estê: Tayê merdimî dewa xo ra sirgûn benê û şinê şaristanêke yo bîn yan zî dewêke ra derbasê dewêna benê û na zî bena multecîyî. Wexto merdim keyeyê xo ra serê herdê xo ra vejîya,  merdim beno multecî. La belê multecîyîya ma ke, bî 28 serrî yo dewam kena. Ma herdê xo ra, welatê xo ra dûrî kewtî. Seba ma manaya na multecîyî cîya ya. Vera ke multecîyî zehmetîyê xo xeylêke yo, bi xusûsî seba cinîyan no  xeylêk zehmet o, keyeyê xo ra vejîyayîş û  wareyê xo ca de verdayîş zehmet o. Seba merdim ciwîyayîşêk cîyayêr dest pê keno û o wext lazimî bi xo organîzebîyayîşî esto. Eke merdim xo organîze nêkero o wext ciwîyayîşê multecîyî hema zêdeyêr  zehmetî beno ke, cîwîyayîşê multecîyî de heme şert û mercê zehmetî yê ciwîyayîşî bibê la wexto merdim bi xoverdayîş,  bi hêz û bi vîr û bawerî bo, o wext serkewtiş zî beno ê merdimî." 

	 

	‘Ciwîyayîşê bê perwerde bê mana maneno’ 

	 

	Sultane, dîyar kerd ke multecîyî de organîzebîyayîş muhîm o, seba ciwîyayîş û vat: "Mîyanê 28 serrî de ma xeylêk zehmetîyan dir rî bi rî mendî. Nika zî ma zehmetîyê xedaran ciwîyenê û serê ma de ambargoyêke esto. La ma reyna dest îradebîyayîşê xo ra vera nêda. No îradeyo xurt bi xêrê organîzebîyayîşî û perwerdeyî ame ca. Destpêke ra heta nika no şar xo organîze kerdo. Xusûsî zî hetê cinîyan ra organîzebîyayîş û perwerdebîyayîş xeylêk muhîm bî. Vera ke wexto cinî organîzekerde nêbo û bêperwerde bo, o wext, a komele ver bi xirabîye de şina.  Coka nê cinîyan her hetî de xo organîze kerdo, heta nika zî cinî mîyanê heme sazgehan de cayê xo girewto, barê na komele û xoverdayîş girewto serê kiftanê xo. Ma vat ke cinî ciwîye ya, eke cinî vindero, o wext ciwîye zî vindena. Wexto cinî xo perwerde nêkero, ciwîye bê mana manena."  

	 

	‘Her şert û mercan de yewbîyayîş muhîm o’

	 

	Sultan Yildiztan,  wina qalê sazgehbîyayîş û organîzebîyayîşê cinîyan ê ke mîyanê multecîyan de awankerdiş kenê, kerd: "Mîyanê komele de, tewr muhîm no yo ke merdim bibo wayîrê sazgehbîyayîş û organîzebîyayîşî. Wexto merdim bi plan û program karê xo nêkero, o wext komele û merdimî zî yewbînan  ra pare benê. Xusûsî hetê cinîyan ra no sazgehbîyayîş aver de yo,  eke ciwîye de hedefê to çinî bo ke, o wext ciwîyayîş veng maneno  û bê mana maneno. Wexto ke sazgehbîyayîş û organîzebîyayîş nêbo,  a çaxî  ma do yewbînan ra vila bibê, no sazgehbîyayîş û têreyde karkerdiş beno sebebêke ma bi serran xover bidê û xoverdayîşê xo ma pîl bikerê. Beno ke ma xeylêke zehmetî antbî û ma hemverê hêrişan dir rî bi rî zî mendbî la belê yewbîyayîşê ma û sazgehbîyayîşê ma estê. Tu kes nêeşkeno hemverê ma de vindero. Amancê cinîyanê wargehe ya sereyîn komkerdişê keyeyî û komkerdişê yewîyîya komele ya. Wexto merdim kêfweşî û hêrişan yewbînan dir  pare bikero, o wext merdim têreyde beno. Komelbîyayîş tîya de bena şemsîyeyê yewbîyayîşê keyeyan. Eke no organîze nêbîyêne ke, ma nêameyêne nê sewîyeyî. Her şert û mercan de wayîrê yewbîyayîşî seba ma muhîm a." 

	 

	‘Seba serkewtişî ganî bedel bêro dayîş’

	 

	Sultane vana ke, xêrê pakrewananê xo ra ma resayê nê sewîyeyî û wina peynî qiseyê xo ard: " Destpêkerdişê multecîyî de beno ke hinî nênaskerdeyî bibê la belê şexsê Şehîd Berîtane de ke xeta îxanetî bêtesîrkerde  serê nê asasî de  heme dadîyî ameyî perwerdekerdiş, her hetê zanistî ra xo bi perwerdekerdiş resnayê sewîyeyê serkewtişî. Heta merdim bedel nêdo nêreseno amanc û serkewtişî. Eke ma cinîyî yewîye, vîr û bawerîya xo xurt nêkerê ke û wezîfe bikewo serê kiftanê dadîyan nîyarê ca, o wext komelbîyayîşê ma zî kemanî manena,  lazimî  bi qetîkerdişê wezîfeyê xo mimkun a."