'Şer tesîrê her kesî keno' 

2022-03-08 09:33:45


	 

	Melîke Aydin

	 

	ÎZMÎR - Cinîyan şerê mabêne Rusya û Ukraynayî de sey şerê serdestan erjna û dîyar kerdî şero ke ça beno wa bibo ganî hemverê ci bêro vindarnayîş û vatî eke cayêk de şer bibo, kes teberê ci de nîyo. 

	 

	Şerê îşxalkerdişê ke Rûsya de hemverê Ukraynayî de da destpêkerdiş, roja 13in de yo û koçberîyê welatî dewam keno. Xeylêk welatan de hêrişî yenê protesto kerdiş û xeylêk bajarê Rûsya de zî protesto yenê kerdiş û heta nika 4 hezar û 600 ameyî destbendkerdiş. Rûsya seba ke sivîlî bêrê tahliyekerdiş bajarê Kîeb, Marîupol, Harkov û Sumî bi saetê Moskovî saete 10.00in de adirbest îlan kerd.

	 

	Cinîyan derheqê şerê nika dewam keno de ercnayîş kerd û dîyar kerdî ke şer tesîr serê her kesî keno.

	 

	‘Her kes para xo ci ra gêno'

	 

	Wendekara unîversîteyî Sevda Mecbur nê reaksîyonî ramojna: “Her kes şer ra tesîr beno. Pere kamî dir bibo, ê polîtîka kenê. Dewletê ke do rantêk cidî bikerê estê. Xebera ma çin a. Tena ma tesîrê şerî ciwîyenê. Eke cayêke şer bibo her kes para xo ci ra gêno. Yanî kes teberê şerî de nêmaneno. Tirkîya nêeşkena teberê nê de bimano. Îşxalkerdişê Ukraynayî de krîzek newe yê multecîyan ard rojeve."

	 

	Feleknaz Atiye bi nê vatişan reaksîyon ramojna: “Biqasê şerî, dirîtîyê Tirkîya û rayaumumî yê dinya zî merdiman xemgîn keno. Şerê rojawan, şerê Armenîstan Azerbeycanî de şarê Tirkî vatişê nîjadperestî vatêne. La wexto ke dore ameye şarê Slavî, heme şarê Tirkîya kîşte aştî de bi. Biqasê şerî dirîtî zî bi tehluke ya. Wa vernê de Tirkîya bi cîrananê xo dir mabêne xo weş bikero."

	 

	'Verê çekan danê xoza'

	 

	Wendekare Sedanur Ugur zî wina vat: "No şerê Ukraynayî şerê serdestan o. Şar bi hawayêke negatîf bi tesîr beno. Ma genim Ukrayna ra gênê. Seba ke Tirkîya çimeyê xo yê xozayî çin kerd. Wareyê ramitişî çin kerd. No ware rantî rê akerd. Ma girêdayê welatê teberî yê. Ganî ma hemverê şerî de bê. Şer rijnayîşê ekolojîk o. Verê çekan danê xoza û çin kenê.”

	 

	Karkerêke Rûse zî nameyê xo nêda wina vat: "Ukrayna yan zî Rusya ferq nêkeno. Wa şer cayêk de zî çinbo. Sîyasetmedarî şer vejenê, sîyasetmedarî pêroyî camêrd ê. Wexto ke şer vejêno, tesîr ehr ca de beno.  

	 

	Zarîfe Morkoç ke teqawît a wina vat: "Şer do tesîr serê heme Tirkîya de zî bikero. Xora ekonomî zaf xirab a. Wa şer vindero. Ez şer sey zalimtî vînena. Polîtîkayê teberê yê  Tirkîya zî têmîyan o. Ma aştîye wazenê. Aştî aştî aştî.”